KellyChu - 維港兩岸春霧縈繞 天文台趁機解構「仙境」 | Executive日記
KellyChu
2025-03-15 02:00 HKT
字體大小
本月初香港有幾天十分大霧，當時大家都覺得好似入咗仙境，天文台亦都喺Facebook分享春霧縈繞嘅維港美景，形容「霧氣盤纏於樓宇之間，維港兩岸一片朦朧，恍如天空之城般置身於雲端之中」，同時趁機分享「霧之解說」，讓公眾了解霧係點樣形成。
天文台指，每年春季香港及鄰近地區會受到冷、暖氣流交替影響，當從北面移到華南沿岸嘅冷空氣逐漸減弱，香港便不時被溫暖而潮濕嘅海洋氣流所影響。但這段期間，華南沿岸海域嘅海面溫度仍然較低，當溫暖潮濕空氣移至近岸時，氣溫便會受下面較涼嘅海面影響而下降。氣溫下降而導致空氣中嘅水氣凝結成小水滴，霧便會出現。
有利於霧形成嘅另一條件係大氣層穩定，即地面嘅空氣較冷而上空嘅空氣較暖時，近地面嘅空氣因密度較高而不容易上升，保持原來位置，呢個情況稱為穩定大氣。而喺春季，大氣通常較穩定。
KellyChu
最Hit
更多文章
