Cally - 西沙GO PARK第二期商場 三大旗艦租戶落實加盟 一田日式生活超市、英基啓新書院幼稚園及中大醫務中心 | 商界講呢啲
Cally
2025-03-18 02:00 HKT
字體大小
「西沙GO PARK第一期」開幕兩個月已經成功吸引逾50萬人次到訪。新地西沙綜合發展項目再下一城，今日再公布第二期商場嘅消息啦！「西沙GO PARK第二期」位於西沙灣發展項目，喺西沙灣交通交匯處隔離，總樓面面積約56,000平方呎，將會有約40間商戶進駐，提供多元化嘅生活服務。
新鴻基地產代理有限公司租務部總經理周淑雯小姐宣布三大旗艦租戶已經落實加盟，包括佔地約10,000平方呎嘅一田日式生活超市、英基啓新書院幼稚園同埋中大醫務中心，預計喺今年第四季陸續試業。「西沙GO PARK第二期」將會引入大型超市、幼稚園、醫務中心、教育中心、各式生活百貨、零售同埋特色食肆等，配合第一期商場，合共將有約80間商戶，完善整個西沙生活配套。
作為全新好去處，「西沙GO PARK第一期」包括運動商業綜合體，仲有約100萬平方呎嘅多元化戶外運動公園GO PARK Sports，豐富嘅餐飲、零售及獨特體驗嘅租戶組合，加上多元化娛樂及運動設施，令西沙成為新界西北嘅生活新地標。
更多文章
