KellyChu - 人才辦進駐小紅書拍片提供資訊 孫玉菡率「人才小隊」防騙打假 | Executive日記
KellyChu
2025-03-27 02:00 HKT
字體大小
今時今日要做好內地市場推廣，冇小紅書帳號難免舉步為艱。為咗加強同內地人才聯繫，香港人才服務辦公室推出小紅書官方帳號，發放本港最新人才政策、就業及生活資訊，同時做好防騙打假，提醒小心黑中介，仲搵嚟勞工及福利局局長孫玉菡拍宣傳片。有別於平日形象，鏡頭前嘅孫局長好投入角色，專業表現好評如潮！
人才辦為推廣小紅書官方帳號，特別請來孫玉菡局長幫手拍片宣傳，以吸引更多用戶追蹤。局長在片中親身領軍「人才小隊」，為內地數以億計嘅小紅書用戶介紹人才辦隊員「T Sir」、「E姐」，並向佢哋發放重要任務。「這次任務，第一是要提高人才防騙意識，第二是推廣我們的人才服務！」孫局下達嘅任務指令，正是人才辦致力於內地推廣嘅目標。
人才辦發言人話，「T Sir」、「E姐」寓意「Talent」同埋「Engage」兩個字，希望透過小紅書平台，能更好地連繫並服務內地人才，其中「T Sir」會集中發放官方訊息及闢謠，「E姐」就主力提供最貼心、最實用嘅來港生活資訊，全方位招攬並支援人才在香港順利落戶。
一向形象親和嘅孫局長，鏡頭前運籌帷幄，氣場大開，表現專業令人驚喜。大家如有興趣，可到小紅書關注「香港人才服務辦公室」帳號，即時感受孫局長嘅魅力！
KellyChu
人才辦特別請來孫玉菡局長幫手拍片宣傳。
最Hit
前港姐冠軍獲身家逾15億「舖王」父親買樓當禮物？富爸爸罕現身 貼地陪睇示範單位
2025-04-18 14:00 HKT
71歲前港姐冠軍老公唏噓發文 大嘆「愛情需分開就當美夢一塲」 結婚逾廿年擁過百億家族生意
2025-04-18 19:00 HKT
中年好聲音3丨「假音王」因一理由難忍受挫想棄賽？黃博張與辰大戰一觸即發！評審態度出現反差
2025-04-18 18:00 HKT
TVB視帝驚爆剛做手術狀態曝光 面上緊纏紗布面容憔悴 一器官出事早有預兆
2025-04-18 17:00 HKT
更多文章
