KellyChu - 彭耀佳卸任旅發局主席 克服挑戰以旅遊說好香港 | Executive日記
KellyChu
2025-03-28 02:00 HKT
字體大小
即將卸下旅發局主席一職嘅彭耀佳，昨天與一班傳媒老友聚會，佢回顧6年任期內經歷過旅遊業低谷，到旅發局推出「海嘯式」活動，吸引國際旅客回歸，市面見番塞車，餐廳客多，可見旅遊業不單止涉及數以十萬計工作人口嘅生計，仲可以喺有國家唱衰香港嘅時候，透過旅客親身體驗，說好香港。
彭耀佳形容自己係旅發局「最具挑戰」嘅一位主席，上任以來，經歷過2019年社會事件，其後疫情來襲，這些年，旅遊業界都「戙起床板」諗可以做啲乜。佢喺疫情期間去機場睇過，見到顯示屏上全日得4班機，但佢同旅發局團隊不放棄，為業界度橋，推出staycation、本地遊等，鼓勵市民發現本土美，亦令旅遊業同相關界別有多啲工作。
佢好記得，疫後香港係全球最遲通關嘅地區，「（旅遊）俾人飲咗頭啖湯」，團隊工作隨即進入巔峰狀態，努力推出浪接浪嘅活動同盛事，吸引旅客來港。現在3月盛事連連，國際旅客多咗，令佢感到，即使旅遊業佔經濟收益一個小百分比，但當有國家唱衰香港，外國客人來見證香港情況，旅遊業就可以發揮說好香港嘅作用。
身為全國政協嘅彭耀佳亦心繫內地嘅旅業發展，話早前喺兩會期間提出建議，內地WeChat同Alipay應做簡化版，俾到外國遊客簡明易用，方便佢地喺內地活動同消費，真係有heart嘅建議。
KellyChu
最Hit
「鑽石之王」HARRY WINSTON 糅合多元風格與切工美藝 締造璀璨婚嫁珠寶
2025-04-03 00:00 HKT
高血脂男每天吃1物不服藥 半年後膽固醇大降/防大腸癌 每日吃幾多有效？
2025-04-03 12:21 HKT
更多文章
