KellyChu - 人才辦「義工計劃」助融入社會 德國及內地人才全家賣旗行善 | Executive日記
KellyChu
2025-04-07 02:00 HKT
字體大小
為加強來港人才連繫社區及增進與本地社群交流，人才辦去年推出「人才義工計劃」，透過聯繫唔同機構，為來港人才提供義工服務機會，讓佢哋從而能夠更好融入香港。喺剛過去嘅星期六，有部分來港人才參與「聖雅各福群會75周年全港賣旗日」，同屋企人齊齊背上旗袋，親身感受呢個本地傳統慈善活動。
嚟自德國嘅Karl Kuffner約11年前正式來港生活，及後在香港成家立室，今次係佢同妻子及8歲兒子首次一起參與義工活動。Karl表示，過往每逢周六都會接觸賣旗活動，但兒子對賣旗比較陌生，活動前一晚仲特意練習用中文講「早安」同「謝謝」。
佢認為，家庭總動員賣旗非常有意義，除咗直接參與善事，父母可以觀察孩子與途人互動，有助提升孩子交流技巧，又指好開心見到市民主動及積極捐款，「你會感覺自己融入一個更大的家庭之中，而這些（感覺）是你平日不會感覺到的。」
周錫晨則透過高才通計劃來港2年多，佢早前曾參加人才辦舉辦嘅廣東話班，並不時喺屋企與妻子徐悅及11歲兒子聖越練習廣東話，獲知有賣旗機會後，即舉家參與。
活動開始時聖越有啲怕醜，但佢嘗試鼓起勇氣同爸爸邀請路過嘅市民買旗，表現越來越積極主動。佢話，一開始嘅時候覺得有挑戰性和困難，當被拒絕時難免會失望，後來有市民主動上前，陸續成功後就增加咗信心，亦感到大家都好親切。
周錫晨表示，周末不時看到賣旗活動，親身參與都係第一次。佢認為活動好有意義，市民只要齊心付出，就能為慈善貢獻一分力量，亦笑言日後遇上賣旗活動會更主動走上前參加，因為經過今次體驗發現絕不容易。妻子徐悅稱，賣旗對大人小孩而言，都係鍛煉社交能力嘅好機會。
KellyChu
周錫晨一家三口一同參與。
更多文章
