KellyChu - 68萬小廢包足金鑲白鑽成亮點 周大福傳「喜」訊 推如意金飾unlock happiness | Executive日記
KellyChu
2025-04-11 02:00 HKT
字體大小
最近周大福同Chiikawa嘅聯乘系列大受歡迎，作為珠寶界老字號，周大福近年銳意轉型創新，看見金飾和國潮風氣在年輕消費群興起，昨日宣布推出全新傳喜系列，以中國傳統象徵吉祥如意嘅鎖及「喜」字圖樣，打造多款足金首飾，勢俘虜一眾貪靚女士。
周大福去年4月推出傳福系列慶祝品牌成立95周年，為延續傳福系列嘅成功，今次推出傳喜系列，活現中國傳統「喜」嘅概念構思產品設計，同時從象徵平安與守護嘅古今鎖具吸取靈感，令系列展現出「unlock happiness」解鎖幸福嘅動人想像。而傳喜系列亮點之一係價值68萬元嘅小廢包，以足金鑲白鑽精心打造。
周大福不止與人氣卡通Chiikawa合作，也與《鬼滅之刃》和《黑神話：悟空》等IP聯乘，連近日討論度極高嘅美國網紅IShowSpeed，昨日也趁其中國之行到上海周大福門店，入手咗一條《黑神話：悟空》聯乘系列嘅足金黃金吊墜配繩。Speed日前到訪長沙時獲告知原來自己是在猴年出生，呢款金飾相信會係佢今次旅程嘅最好紀念品。
此外，周大福位於香港、深圳、武漢、西安和上海嘅新形象時尚店近期亦陸續開幕，店內提供互動產品展示和專屬顧客服務，為顧客提供沉浸式且個人化體驗，升級珠寶零售服務形式。可見呢間珠寶老字號不但敢於創新，亦很有魄力。
KellyChu
傳喜系列亮點之一係價值68萬元嘅小廢包。
更多文章
