#生活要有儀式感
星島 New Media 記者
2021-12-29 11:43 HKT
字體大小
聖誕剛過，扮工人士回魂了嗎？
每逢年尾，做冬／聖誕／倒數接著來，放假mood濃厚。但當然，假與假中間工依然係要返，返得開唔開心就另一回事。
今日同大家分享 #辦公室肥妹 擁有嘅員工福利。唔好以為傳媒人就一定咀刁四圍食好野，查實我地食飯最多果個地方叫「CANTEEN」。
工時長，工作趕，公司隔涉，唔食員工餐廳你就唔使食。所以唔少傳媒機構都有自家飯堂，務求令自己嘅員工用最短嘅時間餵飽自己然後返埋位做嘢。公司飯係咪福利，睇間公司有冇heart，行內秘聞，某某傳媒機構飯堂出名難食，仲經常有小強附送（唔開名喇，唔講人壞話）。之於你睇緊呢間，飯堂改革之後一度成為行內熱話，$15任食，自助餐形式有菜有肉有魚有湯，間中有甜品生果，係咪好羨慕。重點係大時大節，會加餸㗎，冬至有湯圓、聖誕轉食西餐，就算人在公司，一樣有佳節 #儀式感。
係好小事，不過夠delight 吓返工嘅日子。你office又有冇咩特別節日安排？留言分享吓吖。
更多文章
