【行山】南丫島北角村碼頭至榕樹灣｜北角咀、132燈塔、北角山、風采發電站、蘆荻灣山
4月30日 (星期六) 26~30度 天陰/大風🌬🌥
又一次俾天文台忽悠😅預報32度天晴炎熱，只好行下輕鬆路線，點知天陰唔熱仲好大風添😂南丫島除了是個休閒打卡好去處外，其實有好多行山路線，碼頭亦有四個，有大家熟悉的榕樹灣及索罟灣，還有模達灣及北角村。今日會走到南丫島最北的北角咀，除了石屎路，會有3段上山路線，分別👉北角山，風車背後山頭及蘆荻灣山，算係輕鬆路線，唔多人，有山行，風景又開揚，尤其係後段風車及蘆荻灣山，上山近距離同風車打卡，超靚！🥰🥰🥳
路線：北角村碼頭 ➡️ 北角新村 ➡️ 北角咀 ➡️ 132燈塔 ➡️ 北角山 (海拔125米) ➡️ 風采發電站/觀景台 ➡️ 蘆荻灣山(海拔137米) ➡️ 榕樹灣 完 (約9公里/慢行4小時15分連影相小休)
🚘香港仔碼頭 ➡️ 南丫島北角村碼頭 (25分鐘船程)
👇北角村碼頭
👇9：05起步🚶♀️🚶♀️🚶♀️
👇北角村指示牌方向走
👇兩條路都可以，想去廁所就行右邊北角舊村😅😜一陣再接回北角新村路徑
👇經過北角新村
👇遠處的北角咀
👇經過北角咀淡水抽水站
👇民居門前種的佛肚樹
👇百合
👇先去北角咀望下
👇去完北角咀返回路口往132燈塔
👇左右兩條路都可以
👇經過海邊
👇有興趣可以落去玩下，有韆鞦，打卡應該唔錯🥰
👇路口左邊走
👇走到路盡頭會見到132燈塔
👇9：54到132燈塔
👇行山隊旗重見天日🤣🥳
👇睇完燈塔後走石屎路，經過剛才的路口
👇大概8分鐘後，經過第一間白屋
👇其實鋪呢種路，有咩作用呢!?🤔
👇再12分鐘到第二間白屋，白屋旁邊上山，大概20分鐘路程到北角山
👇上咗幾步就見到左中右三條路，走左邊那條先往北角山
👇雖然沿路唔覺有絲帶，但路線唔難辨認
👇會走過越野單車路徑
👇北角山標高柱要在左邊路口走入，與地圖上位置不符，剛好遇到兩位單車友指點迷津先搵到😅🙏需原路返回主路
👇10：43到北角山(海拔138米)零景觀，純粹kill支標同埋行下山路😅
👇原路返回路口左邊走，之後的路線，遇分岔路走左邊那條就對了(但方向不能錯，最終接回上山那條石屎路就對了)
👇箭咀位置是風采發電站
👇遠處的香港仔華富邨及數碼港
👇紅圈位置是瀑布灣😅😅
👇開揚景觀到第二個分岔口為止，之後仍然有多個分岔口，最終都會接回石屎路的，不過路程相對會較長
👇🦋🦋🦋
👇最後都係喺第二間白屋出噃去😅
👇咁都得🤣🤣
👇由第二間白屋走15分鐘後，留意左邊山徑走入
👇往風車方向走
👇上到嚟景觀超開揚
👇右前方是一陣會去的蘆荻灣山
👇呢個位近距離影風車👍👍👍
👇地面睇風車無咁靚😅
👇發電站旁邊的
👇涼亭旁邊路徑往蘆荻灣山，約15分鐘路程
👇好似去咗行高難度嘅山咁😅
👇箭咀位置是剛才近距離同風車影相地點
👇初初以為係行山友搭建的休憩地方😅原來係工作崗位，唔知測試緊啲乜東東🤔🤔
👇原來右邊有條路，一陣落山試下行
👇12：33到蘆荻灣山(海拔137米)無敵360景觀🥰🥳
👇原路落返去走左邊那條，剛才是右邊上來的
👇呢條路原來好好走，所以時間只需10分鐘，不過走這條路是沒有景觀的，出入口就在上觀景台路口旁邊
👇所有景點已遊畢，之後往榕樹灣碼頭乘船離開
