【行山】 堅尼地城至華富邨沿海遊｜西環泳棚、銀禧炮台、沙灣泳棚、瀑布灣頂、瀑布灣瀑布、雞蛋仔石
5月28日 (星期六) 27~31度 晴/炎熱/高清🌞🌡
又話有雨，結果無落，反而個天超高清，不過真係好熱🥵今日純沿海路線無難度，無山上，只有下海😅🥳2小時可完成的7公里路線 (當然唔包括影相及休息時間😅)，隨著沿海風景走過2個泳棚，炮台，數碼港，貝沙灣豪宅😅最後終點站華富邨瀑布灣及雞蛋仔石，蔚藍天空，一望無際風景盡在眼簾🥰🥳
沙灣泳棚位於開义灣 (Sandy Bay) 海灣只有300米長，水清環境清幽，由芝加哥大學步行前往約15分鐘路程。
銀禧炮台一共有3個炮位，其中2號炮位評為三級歴史建築並由芝加哥大學管理；1及3號炮位位於往日落觀瀾亭途中及海邊，有興趣的可探索下。
路線：堅尼地城 ➡️ 西環泳棚 ➡️ 銀禧2號炮台 (芝加哥大學內) ➡️ 沙灣泳棚 ➡️ 沙灣徑/數碼港道 ➡️ 瀑布灣頂 ➡️ 瀑布灣瀑布 ➡️ 雞蛋仔石 ➡️ 華富邨 完 (約7公里)
🚘港鐵堅尼地城站C出口，上地面後左轉入科士街
👇彎位後是加多近街
👇路口左轉入域多利道直走
👇西環泳棚入口，由地鐵步行至此約20分鐘路程
👇遠處的昂船洲大橋及左邊的小青洲島
👇返回域多利道往芝加哥大學
👇芝加哥大學入口
👇銀禧2號炮台
👇轉彎梯級落炮台
👇炮台另一邊有路通往另一個展區及日落觀瀾亭，而家維修緊，要返回地面從觀瀾亭指示牌落去
👇可由此落觀瀾亭及1，3號炮台，今次不落去了，繼續往沙灣泳棚
👇梯級往沙灣泳棚(開义灣)
👇沙灣泳棚(開义灣)
👇右轉落海邊
👇搵個靚位係度hea陣玩下水🥰啲浪打埋嚟好正，明明搞到濕哂，但一樣咁開心🥰🤣
👇呢個角度睇座樓房覺得好唔穩陣🙄
👇海邊石頭受到長期沖擊磨擦，表面變得光滑，真係可以執啲返去放花盆，魚缸及擺設😜我都想拎不過太重了😮💨
👇朋友見到有浪又忍唔住手去玩下😅結果又濕哂🤭
👇沿海邊行，箭咀位置接上石堤
👇往球場旁邊的沙灣道，沙灣道全長700米，走到盡頭是鋼綫灣，左邊閘門內有條藍色梯級接上數碼港道的，但閘口上鎖了，所以需返回球場旁邊路徑出沙灣徑
👇打卡的心心已退色了🙈剛剛咁啱有架單車喎😜
👇向鋼綫灣方向走，右邊會發現多條小路徑，可通往海邊石堤的，其中曾經是打卡熱點的韆鞦，現已損壞了
👇沙灣道盡頭鋼綫灣
👇原路返回球場旁邊轉出沙灣徑
👇沙灣徑
👇連接沙灣道(鋼綫灣)的藍色梯級
👇隨即接上的是數碼港道
👇鋼綫灣
👇數碼港
👇數碼港道，轉埋個彎就到瀑布灣頂入口
👇瀑布灣頂入口
👇跨過欄杆後，右邊就係瀑布灣頂
👇係瀑布灣頂影相千萬要小心注意安全，不要走到邊邊位，因沒有欄杆的
👇嗱嗱聲影完閃，畏高超驚驚😵💫
👇燒烤場旁邊落瀑布灣瀑布
👇呢個角度睇番剛才影相的瀑布灣頂，個心都有啲怯怯哋😵💫
👇瀑布灣碉堡
👇沿海邊前往雞蛋仔石
👇加建咗新景點😅
👇雞蛋仔石需配合潮退先會呈現，潮退水位越低雞蛋仔面積越大；參考👉圖片時間15：00/潮退水位0.68米
👇兩排雞蛋仔石 (石面濕滑，注意安全)
👇雞蛋仔石背後佛字大石旁邊有梯級，上去後就是華富邨瀑布灣道
