【行山】長洲奇石遊｜觀音灣、小長城徑、饅頭石、花瓶石/叮噹石、人頭石/骷髏石、玉璽石、南氹灣、魚翅石
6月25日 (星期六) 28~33度 晴/高清/炎熱🌞🥵🌡
雖然好熱，但唔想錯過咁好嘅天色，隨手一拍📸每張相都靚到似幅畫🥰小長城徑全長900米，起點明暉路路口至玉璽石終點，沿路有小長城介紹牌介紹海邊不同位置的16嚿奇石，當中重點打卡的6嚿石是👉饅頭石/花瓶石/叮噹石/人頭石/骷髏石/玉璽石，其餘的要考考你眼力了😅😛雖然路線唔難行，不過落海邊奇石需沿梯級前往，亦需原路返回小長城徑，以今日嘅溫度確實難受😅😛往魚翅石路徑比較跣，需由墳場背後路徑落海邊，約10~15分鐘路程。
路線：長洲碼頭 ➡️ 東灣泳灘 ➡️ 觀音灣泳灘 ➡️ 小長城徑 ➡️ 海邊觀景台/遠觀饅頭石 ➡️ 花瓶石/叮噹石 ➡️ 人頭石/骷髏石 ➡️ 玉璽石 ➡️ 南氹灣 ➡️ 魚翅石 ➡️ 長洲碼頭 完 (約7.5公里/慢行4小時連影相休息)
🚘中環5號碼頭乘8：40高速船往長洲(約45分鐘船程)
👇落船後穿過東灣路至東灣泳灘
👇長洲連儂牆🤫
👇華威酒店，聽講好猛鬼🥶但個海景View好正喎😅
👇沿路有清晰指示牌
👇東灣泳灘
👇上石刻條梯級欄住唔畀入去🙈
👇直升機坪
👇觀音灣泳灘
👇見到獨木舟又想再划🚣♀️😅
👇遠處的饅頭石
👇經過泳灘後，指示牌右轉上
👇再行前小小就係小長城徑起點
👇小長城徑起點，右邊是明暉路前往愛暉營及明暉營
👇小長城徑介紹牌，一共有16嚿奇石，睇下可以搵到幾多個先💪
👇涼亭旁邊往觀景台及遠觀饅頭石
👇海中心的饅頭石(介紹牌上1️⃣位置)
👇原路返回小長城徑，從涼亭另一邊路口落去
👇左邊指示牌寫住玉璽石，但其實會先經過花瓶石，叮噹石的…
👇落去花瓶石，叮噹石(介紹牌上2️⃣及4️⃣位置)
👇右邊尖尖的是叮噹石，石頭上亦有大大隻字寫住😂花瓶石下有可打卡石隙，有興趣可前往一探
👇呢個角度睇似貴婦狗😅😛見到嗎?....大石上有「四」和「16」字，猜想「16」代表16嚿奇石，「四」代表介紹牌上第四位置
👇原路返小長城徑，下一個路口左轉入是人頭石及骷髏石(介紹牌上7️⃣及9️⃣位置)直去是玉璽石，亦是小長城徑終點站
👇入去後左邊嚿大石就係人頭石🙈🙄需走到另一面才似的，剛好人頭石幾個字俾草叢擋住了🙄😵💫所以錯過了沒有走到另一面打卡，至於骷髏石就在右前方，其實我都唔知係骷髏石，係朋友有想像力😅佢話似喎
👇骷髏石
👇出返路口左轉往玉璽石(介紹牌上1️⃣3️⃣位置)，亦係小長城徑的終點站
👇玉璽石
👇原路返回分岔路口左轉上梯級，之後要走2.7公里路程往魚翅石，沿途慢慢欣賞長洲的街道，建屋等等特色
👇經過聖公會靜修院
👇往南氹灣方向走，左邊是花坪山莊
👇走左邊思高路
👇長洲都幾多靜修院喎🤔
👇落去就是南氹灣
👇南氹灣環境唔錯，又少人，可惜太多垃圾了🙈
👇走過天后廟旁綠色欄杆路
👇長洲山頂道(往西灣方向就對了)
👇涼亭小休
👇經過錦江小學後，走左邊長洲山頂道西
👇樹蔭路，溫差好大😅好似行緊冷氣走廊🥰
👇進入墳墓範圍後，找"長洲墳場"字牌並左邊走到後排梯級
👇走到盡頭跨過欄杆😅辛苦毛豆示範
👇往海邊走，10～15分鐘路程
👇熱到無朋友🥵🌡
👇咁靚嘅海景落去坐下實在不錯，可惜太曬了🙄
👇沿路亦有絲帶引路，落去就是魚翅石了
👇所有景點已遊畢，原路返回長洲山頂道西並往長洲碼頭方向走
👇右邊走(左邊是往五行石的)
👇轉出去就是西灣
👇西灣至長洲碼頭有1.5公里路，唔想行可選擇於西灣碼頭坐街渡至長洲碼頭(船費$5)
