【行山】西貢高流灣至千溪海岸｜蛋家灣、蚺蛇灣、劍龍石、千溪海岸
8月27日 (星期六) 28~33度 天晴/酷熱🌡🌞
有次爬蚺蛇尖，遠遠望到長長的千溪海岸(長杆灣)覺得好靚🥰計劃走一趟，往千溪海岸需原路折返或選擇一程快艇離開😊看似簡單的路線，原來一點也不輕鬆，初段1.4公里還算輕鬆易走，之後1.3公里往蚺蛇灣，路況惡劣，路徑狹窄，有非常多的有刺及𠝹手的草，雨天不建議前來。由蚺蛇灣綑邊往劍龍石，雖然只有短短600米路程，但有一個斷位及部份石頭尖利，爬過時也要注意以免刮傷，千溪海岸沒有預期中靚，可能太熱影響感覺🤣🙈😅有興趣可沿千溪海岸走至米粉咀再乘快艇離開(⚠快艇必須預早安排，此路段沒有網絡的，蚺蛇灣勉強可以收到)
路線：高流灣碼頭 ➡ 蛋家灣 ➡ 蚺蛇灣 ➡ 劍龍石 ➡ 千溪海岸(長杆灣) ➡️ 蚺蛇灣 ➡️ 快艇往黃石碼頭 完 (約4.3公里/慢行5小時連影相休息👉包括蚺蛇灣停留45分鐘玩水，劍龍石停留30分鐘)
🚘於大學馬料水碼頭乘8:30船 ➡️ 高流灣落船 (1.5小時船程)
👇往高流灣途中景觀，遠處是慈山寺觀音、八仙嶺
👇好厲害👍估計是由大美督划過來的
👇海中心的兩個小島，其中崩沙排是個小沙洲
👇拉近啲睇👀崩沙排上有釣魚郎，感覺海水快把沙洲沖散了😨🙈
👇荔枝莊碼頭，又見到5隻熱情的🐕🐕🐕🐕🐕
👇高流灣碼頭
👇10：00起步🚶♀️🚶♀️落船後行至指示牌右邊往蛋家灣方向走
👇往蛋家灣是石屎路徑
👇10分鐘後經過涼亭
👇之後接上小徑上山(往蛋家灣的小橋)
👇絲帶路口往上走，路徑有點濕滑，要小心慢走
👇10：27到崖灣坳分岔口，走中間有水務署石柱那條
👇遠處尖尖的就是蚺蛇尖，之後的路會越來越難走💪💪💪
👇11：10位置，還有20分鐘路程到蚺蛇灣
👇左轉落蚺蛇灣
👇終於都到蚺蛇灣了😅由高流灣碼頭到此用了1小時30分
👇嘩.....啲水好清好靚，好多魚魚🐟🐟🐟🐟🐟🐟
👇消暑後前往綑邊。。。💪💪💪此時遇到一位山友，結伴一起前往劍龍石，山友說上次來沒見到劍龍石🤔所以今日特意再來😅還推介我們一個影相好靚好特別的海蝕洞，從內往外影有上下兩個窿。。。期待🥰
👇綠色花紋蟹🥰
👇行咗三分一路程到斷位，需往上爬，另一邊落去，呢段路超難爬又直又跣😖我件橙色戰衣都勾爛了😭
👇唔怕濕腳嘅澗水過去也可以💪
👇過埋呢個位就到劍龍石🥰
👇13：30到劍龍石，實在太好天了，同時亦非常熱，盤算緊自己回程頂唔頂得順🙈😵💫
👇劍龍頭
👇從劍龍石旁邊走過去會見到千溪海岸及海蝕洞
👇千溪海岸及遠處的米粉咀
👇山友推介的海蝕洞，往外影有上下兩個窿
👇唔影上面個窿又得😝
👇離開海蝕洞後原路折返至高流灣離開，不過我實在堅持唔到了，去到蚺蛇灣已經3點，幸好蚺蛇灣勉強有網絡聯絡到快艇往黃石碼頭離開😝🙈
