行山｜伯公坳至東涌｜🌾大東山芒草季節 尋找少人打卡位
10月29日 (星期六) 23~30度 晴🌞
每年十月芒草季節，大東山都會人頭湧湧，人多時甚至出現上山塞車😅為咗打卡塞下車又何況🤪今日大東山同樣熱鬧非常，人群集中係上山初段的1.5公里，芒草最茂盛最靚又高又大大片，之後大部分人會左轉上打卡熱點"跳板石"，我哋不上跳板石繼續鳳凰徑2段走至18號爛頭營附近，此處芒草也不錯，再配上爛頭營襯托更美，再由18號爛頭營附近路徑轉上往大東山標高柱，從標高柱後落山往東涌，此路徑長3公里，名為大石脊，聽個名就知唔係易行😅前1.5公里又斜又跣，落到海拔350米左右才稍為好走點，膝蓋唔好的朋友，唔好選擇此路徑落山。
路線：伯公坳 (海拔332米) ➡️ 鳳凰徑2段 ➡️ 大東山1號觀景台 ➡️ 蠄蟝石 ➡️ 爛頭營 ➡️ 大東山 (海拔869米) ➡️ 大石脊 ➡️ 禾寮墩 (海拔323米) ➡️ 東涌黃龍坑道/赤立角新村 完(6.5公里/慢行5小30分連影相小休)
🚘東涌巴士總站乘3M/11/23號大嶼山巴士 ➡️ 伯公坳落車 (約20分鐘車程)
👇落車後往前走至上山口，並左轉上
👇9：45起步🚶♀️🚶♀️初段只有大大的石級及背後的鳳凰山伴隨。伯公坳位置約海拔330米，大東山是海拔869米，所以實際上走高度只有海拔540米
👇鳳凰山
👇香港遠足挑戰check point
👇景觀主要都係鳳凰山😅
👇現在位置約海拔620米，開始有芒草，先左轉上去打卡，再右邊繼續路線
👇行行下有把聲咁熟嘅🤔再望下個樣.....原來係上次行蚺蛇灣劍龍石認識的山友，梗係要影噃張合照啦，咁有緣撞到🥳🥰
👇呢個位唔算多芒草，不過有背後的鳳凰山襯托，是個不錯的打卡點👍
👇之後會越來越多芒草
👇剛才的打卡點
👇已經望到遠處的跳板石😅
👇新興建的大東山一號觀景台
👇繼續路程.....不上跳板石
👇不上跳板石，繼續走鳳凰徑2段往蠄蟝石，這段路的芒草無咁靚了
👇已經見到爆頭營，箭咀位置下走
👇15號爛頭營有鐵網圍住，閘門上掛上私人物業😅
👇11：50到蠄蟝石
👇離開蠄蟝石後往18號爛頭營方向走，並左轉上往大東山標高柱走
👇見到前方的大東山標高柱了
👇12：47到大東山(海拔869米)
👇標柱旁邊路徑下走，路徑是大石脊
👇落咗嚟先睇到原來走錯咗，不過無問題的兩條都可以😅😝
👇朝着機場/逸東邨方向走就對了，沿路會有幾個分岔路，小心不要走錯，分岔路也可以落到山的，只係目的地不同了。
👇鳳凰山...我哋又見面喇😝🥰還有大佛😊
👇嘩！呢邊芒草都好靚，又無人...正呀！🥰🥰
👇過咗芒草範圍後會進入樹林，沒有景觀了，亦開始難行
👇大概去到箭咀位置會開始好行啲
👇好睬兩旁有樹木扶助
👇落咗個半鐘總算去到稍為平緩位置了，見到背後的大東山，真係要俾個👍自己，落山沿路遇到10組人上山
👇過埋呢座山就到禾寮墩
👇14：35到禾寮墩(海拔323米)左邊路徑繼續落山
👇沖溝旁邊有路落山
👇之後沿圍板走
👇接上石屎路後下走至黃龍坑道，圍板範圍是斜坡地盤
👇接上黃龍坑道後左邊出東涌道乘車離開，或赤立角新村牌坊旁有34號大嶼山巴士往東涌
💓💓💓🙇♀️謝謝支持及點讚🙇♀️💓💓💓
