【娛樂】岑珈其「醜男」上位之路
在港產片《緣路山旮旯》中擔任男主角的岑珈其，能跟五位索女余香凝、陳漢娜、蘇麗珊、梁雍婷及張紋嘉都有感情戲，確實艷福無邊；不過，有影評專頁的 KOL 指電影令人難受，更刻薄批評珈其的長相：「我忍受唔到弱蟲X毒男主角，配埋一堆靚／高過男主角太多嘅女角，佢哋任何稍為親密嘅感情戲都毫無說服力⋯⋯每一次見到佢大大力媾女，心裏面就X出聲。」還有留言：「想坐時光機欺凌佢，欺凌到佢大個唔敢做演員。」
被指外形趕客引起激辯，珈其留言：「我嘅樣衰令你難受，影響到你唔好意思，但我真係、真係好鍾意做演員，就算你坐時光機返去我以前細個欺凌我，我都會想做演員。樣衰我改唔到，但我會努力再做好啲演出，希望將來可以得到你嘅支持。」得體的回應博來不少掌聲。
今年三十二歲的珈其，自小立志做演員，十六歲參演首部電影《烈日當空》後，跟着一直主動尋覓試鏡機會，並從事不同兼職維持生計，包括：倉務員、保險經紀及地產經紀等。十八歲時，他首次執導紀錄片《活在當下》，之後又成立四人男子組合 PlayTime，作多方面發展。一五年，他參演了電影《點五步》，憑「陳強」一角嶄露頭角，之後還在電影《非同凡響》中初嘗男主角的滋味，並且好評如潮！接着，他加入ViuTV，參演劇集《教束》、《IT狗》及遊戲節目《膠戰》，更加令他知名度大增！
兩年前，珈其與圈外女友結婚，現時育有一個一歲半的兒子，為了養妻活兒，他最近與前 PlayTime 隊友梁曉豐，各投資六位數搞醬料生意，他笑言：「自己夢想係做表演，老闆好似離我好遠咁，但適逢有呢個緣份，同埋疫情嚴重時，冇工開真係手停口停，一個人都可以撐住，我唔食我老婆同阿仔都要食，仲有媽咪呢，一定要諗啲辦法。」
【東周刊】為您放送 最新資訊
iPhone App：https://goo.gl/V2JzMx
東周刊微信號：eastweekhk#東周 #東周刊 #東周網 #eastweek
