70歲駱應鈞大病纏身 曾停工4個月始康復狀態勁Fit 近況依然好有霸氣
發佈時間：11:00 2022-12-16
北上發展一段日子金牌綠葉駱應鈞近日與魏浚笙（Jeffrey）和吳浣儀齊齊拍廣告，今次飾演一家人四圍遊覽，近年駱應鈞甚少電視亮相，佢就話與吳浣儀相識數十年，但從來都未曾做對手戲，笑言呢日廣告係「遲來的」感情線：「香港地方好細，大家都會識大家，所以一埋位就可以拍，唔洗特別交流嘅！（早排不適做手術？）其實呢排我一直都留喺香港，仲偶爾有拍電影，只係之前做訪問講起做手術，搞到大家誤會以為我有咩唔舒服，其實係好多年前嘅事喇，依家希望疫情冇晒大家多啲工開。」
【點擊睇駱應鈞最新相片】：
入行接近50年的駱應鈞，1973年投考邵氏訓練班，可惜因為工作量不足而被提早解約，在1975年轉考無綫第5期電視藝員訓練班，拍過無數經典劇集，包括1981年《富貴榮華》的「雷力濤」、90年代《壹號皇庭》系列的「周文彬」、1994年《射鵰英雄傳》的「黃藥師」、2001年《倚天屠龍記》的「謝遜」等。不過到了2011年，駱應鈞離開無綫過檔至港視，先後接拍《警界線》、《選戰》、《導火新聞線》、《夜班》等，其後駱應鈞有參與電影演出，近年轉移至國內工作。
駱應鈞的兄弟姊妹亦相當有來頭，他排行第3，上有2個家姐，下有1個細佬，大家姐駱友梅下嫁著名作家林行止，細佬駱應淦在1977年港大法律系畢業，其後獲委任為御用大律師，1997年更曾出任高等法院特委法官。而在2019年年初因一次心臟檢查中發現有腎石問題，為免將來年紀大而令情況惡化，所以最終都做了手術，但由於要進行2次繁複手術，當時住了40多日醫院並休息足足4個月先完全康復，駱應鈞曾表示他的世界突然停下來：「嗰段時期有啲工作接唔到，亦都費事同人解釋發生咩嘢事。唔知點解，呢段時期就靜咗好多，但都無所謂，既然啱啱做完一個手術，咪趁呢個時候休息吓囉。」
【其他文章】：
雞排妹鄭家純晒內衣照肩帶滑落勁誘人 被質疑P圖致美腿同窗簾變形即反擊
呂方元朗三層逾1,000呎獨立屋內部罕曝光 餅印囡囡玩具都襯返裝修行簡約風
楊英偉移居奧地利獲再續3年居留證兼攞車牌 大讚價廉物美連養車都勁輕鬆
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
