顧嘉煇喪禮｜三大愛徒親自送別恩師 仙杜拉哽咽重提獲煇哥賞識唱《啼笑姻緣》
發佈時間：22:50 2023-01-23
被視為香港粵語流行曲殿堂級人物的著名音樂家顧嘉煇，於加拿大時間1月3日上午在當地逝世，享年92歲。其家人於家人1月21號為他舉行喪禮，一眾生前曾受煇哥指導的徒弟鍾肇峰、周啟生及徐日勤以及提攜的歌手如仙杜拉及雷安娜等，都親自到場送別故人最後一程。
當日儀式進行大約一小時，之後輝哥的靈柩移送往當地墓園安葬，一代才華洋溢的音樂大師從此長埋塵土與凡世告別。
相關閱讀：顧嘉煇逝世丨兒子親述亡父加國生前日常點滴 透露煇哥健康近日急轉直下
【點擊睇顧嘉煇於加拿大的喪禮】：
《TVB娛樂新聞台》今日（23日）播放於加拿大直擊煇哥的喪禮片段，周啟生、鍾肇峰等人亦有接受訪問。周啟生表示，煇哥私下有外界未曾發現的佻皮百厭：「佢唔係好似我哋睇電視上面咁嚴肅，平時喺屋企成日講笑，講好多幽默。喺電視見到啲朱古力，用啲棍仔撩嚟食嗰啲，佢仲即刻叫我去買，好得意，叫我買雪糕，買糖，係一個大細路嚟！」
而徐日勤亦笑言「多謝煇哥喺街邊執返嚟」：「佢鍾意我嗰種彈法嘅，咁佢錄唱片嗰陣時差唔多指定要我彈琴，係由咁樣開始。後來佢就帶埋我入TVB樂隊。」
而當年受煇哥提拔的仙杜拉至今仍然對煇哥大感不捨，受訪時更一度哽咽：「當年《啼笑姻緣》佢畀咗我唱，我記得我好幸運，而且到全世界都知道。當時我心諗，點解咁多歌星唔搵，搵咗我，所以我好感思佢畀呢個機會我，佢係我恩師。」而雷安娜亦分享當年的相處細節，同私下煇哥很平易近人，係不可多得的好前輩。
【其他文章】：
顧嘉煇逝世｜汪明荃激讚亡友才華横溢 遺憾二人有一約定永遠不能兌現
顧嘉煇逝世丨陳潔靈秉承精神提攜後輩 麥潔文憶前輩零架子親自試key
顧嘉煇逝世丨葉麗儀感激恩師帶入行：唔係佢寫《上海灘》我唱唔到51年
顧嘉煇逝世丨黃淑儀與煇哥每周茶敍係鄰居 分享對方退休生活不談傾音樂
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
