王貽興變「玄學界林作」狂抽水！借艾粒歧視風波宣傳課程 網民：傷口灑鹽
發佈時間：15:20 2023-02-12
作家出身的王貽興過去曾以才子形象打入電視界做主持，近年曾轉型從事幕後工作，如：導演及編審等，近日又有新搞作，開班教紫微斗數，兩堂合共5小時的課堂盛惠2,380元。近日密密於社交網宣傳，更以玄學角度分析熱話，但昨日（11日）商台DJ余迪偉爆Seed指控艾粒性取向歧視和職場欺凌的風波，王貽興都有留意，並於facebook發表意見，卻引來網民批評及封他為「玄學界林作」。
【相關閱讀】：余迪偉親回應怒轟艾粒性取向歧視和職場欺凌：嬲會完，但歧視不會完
【點擊睇王貽興被網民批評】：
由當奴（唐劍康）和少爺占（甄子康）組成的組合I Love You Boyz（艾粒）近日開騷時，在未經同是商台同事的余迪偉同意下，使用其溫泉相以及取笑他的性取向，令余迪偉嬲爆在社交平台發文，指控他們性取向歧視和職場欺凌，艾粒昨日（11日）於社交平台發文向余迪偉道歉，並表示餘下場次會更改節目內容。最近熱衷於玄學知識的王貽興曾與少爺占一同主持電台節目《讀賣Sunday》，二人份屬好友，他就事件於facebook發文：「尋日艾粒同迪偉嘅風波終於告一段落，好多人都send相關新聞嚟，問我點睇點解又畀你講中，其實正正就係我之前講嘅巨門化權，大量發聲、話語權同是非爭拗嘅情況，好多一直收收埋埋、積落嘅嘢忍唔住爆發。之前唔出聲唔代表冇問題，只係時機未到，當天時地利人和齊集七粒龍珠就會引爆地雷，死傷枕藉。」王貽興之後繼續拋出不少玄學專有名詞，展示專業一面，文尾不忘宣傳自己的紫微斗數班。
有網民看到他的言論，於討論區發文：「你要搵食唔係問題，但唔該你唔好借人哋件事去消費，之後再話自己預測好X準，再叫人報名上你啲課程啦！我未見過人搵食好似你咁X樣咁肉酸。」更有網民批評他曾與少爺占是同事，對方受各方批評，他卻趁機評論以宣傳自己的課堂，行為有如在別人的傷口灑鹽：「你條神棍有無搞錯，話晒老爺占專登開個節目同你一齊做，你而家等同於係佢傷口灑鹽。作為朋友你真係做得好出色，就算唔係艾粒或者其他人都好，你咁樣做真係好Cheap，老爺占真係識錯你呢個神棍。」
【其他文章】：
陳凱琳孻仔Carlos滿月喇！自爆陀B後期身體不適幸有鄭嘉穎陪伴
60歲梁朝偉失修驚見聲沙老人斑 男神魅力跌Watt因一個理由睇得開
渣打馬拉松｜周潤發首戰10公里賽練習逾一年 全黑運動裝現身全場起哄
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
