Lucy媽晒39周孕肚準備卸貨期待見2.0 李元元嫌棄親近：點解我要過嚟好麻煩

更新時間：15:30 2023-02-23
發佈時間：15:30 2023-02-23

李璨琛（Sam）的太太梁志瑩去年9月宣布陀第二胎，4歲囡囡李元元（Lucy）即將升呢做家姐，日前Lucy媽公開腹中BB性別，今胎都是囡囡，笑言是「Lucy 2.0」。已懷孕第39周的Lucy媽卸貨在即，今早（23日）她在社交網貼出自拍照，大晒孕肚，相中所見身形好纖瘦，只肥肚不肥人，肚皮亦白滑零妊娠紋，陀得好靚。

【點擊睇Lucy媽將卸貨】：

Lucy媽臨盆在即，她寫道：「卸貨前拍個照留個念，我哋好快就可以見面啦妹妹 #week39 #終於可以脫離一晚起身四五次屙夜尿嘅狀態 #有時瞓到溫溫鄧鄧衝去廁所會撞咗埋牆。」不少圈中好友送上祝福，包括車婉婉、朱薰、蔡卓妍、林芊妤（Coffee）等，預祝Lucy媽一切順利。

此外，Lucy媽日前上載一條家居片，她表示搬新居兩個月，終於扚起心肝裝Cam，即拍到與Lucy的搞笑對話。沖完涼的Lucy趴在梳化上，表示好熱頂唔順，然後Lucy媽叫囡囡到她身邊，Lucy說：「點解我要過嚟呀！好麻煩呀！」Lucy媽大笑後，就話因為Lucy沖涼沖好耐，好掛住她，即瘋狂被寸：「點會掛住啫！我哋屋企一家人嚟㗎嘛，我同你一齊瞓，點解你會好掛住我呢？」配搭一臉嫌棄的表情，非常可愛。

【其他文章】：

63歲鍾楚紅無懼眼紋暴現晒素顏近照自然老去獲網民封「最有氣質姐姐」

東張西望丨78歲阿婆聲淚俱下為病兒乞錢攝製隊求詳情施援手意外揭神秘內情

57歲郭富城挑機43歲《鬼怪》男神孔劉發放天王魅力獲韓媒封「雕塑美男」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ