吃貨橫掃曼谷｜彭慧中爽歎土耳其浴繼續派福利 高海寧突然感觸險淚崩
發佈時間：17:00 2023-02-27
由「女神」高海寧（高 Ling）、彭慧中（Phoebe）、陳星妤（前 名：陳聖瑜）跟曾獲封「少年食神」的林澄光（Michael）主持的《吃貨橫掃曼谷》在新一集繼續透過電視熒光幕大派福利，在最新一集中，三位女神級主持會與野生動物零距離接觸。
一班主持先去餵飼為食長頸鹿，彭慧中直言未試過這麼近距離觀看長頸鹿，高海寧更幫長頸鹿剝埋香蕉：「佢哋（長頸鹿）今日好斯文，因為我喺南非餵過一次，可 以用猴擒嚟形容，佢用條脷捲住你隻手，直至食晒你手上嘅嘢，先肯放你走。」星妤是 三人當中最為害怕，但也不及 Michael 驚青，Michael 坦言自己真係驚，並自嘲「龐大身形，弱小心靈」，結果因企到離行離迾遞香蕉令長頸鹿幾乎吃唔到，遭高海寧直斥「冇鬼用！」
【點擊睇新集數高海寧及彭慧中如何歎土耳其浴】：
高海寧、陳星妤及彭慧中又分別跟極具演藝細胞的猩猩上演求愛大作戰，當中以彭慧中表現最大膽，與猩猩齊齊伸脷影合照，彭慧中事後說：「隻猩猩明星真係超級勁，一嗌 roll 機即刻入戲，起碼錫咗我 20 啖，一 cut 機即刻擰歪面唔理你！」高 Ling 及後跟貓頭鷹 互動時，更自嘲似貓頭鷹！
之後高海寧還邀請了彭慧中到由 1940 年代建築改建而成的精品酒店共晉午飯，其間高海寧向彭慧中進行大逼供，高海寧一來便開門見山：「我見到網上有人話覺得公司爭你一個交代，你覺唔覺？」並指覺得彭慧中值得在事業上擁有更多，並大讚彭慧中勤力：「例如今次你知道我哋去邊，會事先上網做晒功課，等去到現場多啲嘢講，我好欣賞 你呢樣嘢。」 彭慧中聞言亦快人快語回應謂：「好多人都係咁講，我都覺。」不過語畢，彭慧中即補 充指其實只係「爭咗啲嘢」，當中包括機會：「都成 12 年喇，我真心講句，我覺得自己事 業停滯不前。我唔想人哋唔記得我，好容易咋嘛。」高海寧聽畢即大為感觸，並強忍淚水謂：「我好明白，我都有年半冇做過嘢，啲人喺街度都會話『高 Ling 好耐冇睇過你嘅電視劇』。」
另外星妤又跟彭慧中去了曼谷酒店歎罕有的土耳其浴，二人先躺在暖笠笠的大理石上 接受擦背按摩，幫助身體出汗兼軟化角質層；之後會遊走於由喜瑪拉雅山岩磚砌成的 桑拿房，及零度以下的冰房之間，實行冰火交融促進血液循環，令皮膚更加白滑。
【點擊箇溫首三集福利精華】：
