東張西望丨屋苑住戶投訴高層丟染血紙巾鋪滿窗邊 驚人反轉竟然係賊喊捉賊勁尷尬
發佈時間：23:00 2023-03-31
今晚（31日）《東張西望》報道一宗高空擲物事件，節目接獲將軍澳怡明邨的居民報料，住戶「何太」控訴樓上居民每日丟垃圾出窗，導致其住所窗邊多度出現污穢紙巾，而且濕𣲷𣲷，又有黃色、紅色在紙巾上，更恐怖是佈滿窗邊、晾衫架、冷氣機頂等，感覺惡心又污糟，令何太一家飽受心理壓力，多度向管理處投訴不果，要在社交群組訴苦。有對面屋苑的街坊曾幫忙留言事件，可惜一直未找出高空擲物兇手，令事件不了了之。但何太向節目報料後，竟現出人意表的發現。
【相關閱讀】：東張西望丨單親婦揭邪教洗腦招數！當教主係老公求見被拒 親見美女信徒狂上位自己冇份
【點擊睇將軍澳屋苑高空擲物反轉事件】：
何太與女兒及外孫女住在高層單位，她向節目講述事件經過，每日都有大大小小的污糟紙巾跌在窗邊，更提供大量照片作證明。主持李旻芳登門採訪當日就未有發現，何太更表示已有幾日沒有再丟垃圾，估計是收到風會來採訪。但幾日後問題又再出現，何太要將衣服放在室內晾乾，怕被污穢紙巾附在衣物上，而何太的單位又再出現染血紙巾。
節目組找來辦事處經理了解，獲悉已經進行監察，有關當局又在天台安裝閉路電視，終於有發現，並已向涉事單位按屋邨管理扣分制扣分，兼嚴正提醒該租戶高空擲物的嚴重後果。最令人意外的事，涉事單位竟然就是「何太」屋企，何太的女兒向節目表示：「我今朝問咗我囡囡，我問佢點解要咁做，佢話佢因為唔小心整污糟自己張床，佢呢就攞紙巾抹，佢驚我同婆婆知道佢整污糟咗會鬧佢，所以佢無辦法之下佢就丟咗出窗口，佢講今次係唯一一次丟嘢落樓下，我就怪責緊佢啦！高空擲物係唔啱呀。我囡囡就問咗一句，『媽咪，點解人哋可以丟，我唔可以丟呀？』點解我丟一次你哋就咁大反應呀！嗰一刻我都唔知點答佢。惟有再同佢慢慢解釋，高空擲物係刑事，會坐監，如果砸到人就會出事，佢應承以後唔會再丟。」
【其他文章】：
Mandy Lieu 3億農莊搞生態遊招呼小學生 髮線向後移洗盡鉛華變嬸嬸
薛家燕73歲生日1歲孫仔親自整蛋糕賀夀 迷人靚仔電眼似韓國童星
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
