73歲曹查理內地登台狂賺八位數？被寸「撈金」激動回應：我要生活！

更新時間：18:30 2023-04-22
發佈時間：18:30 2023-04-22

73歲曹查理八、九十年代拍過不少港產片，早年憑周星馳電影《整蠱專家》中，飾演在藥房賣春藥的「單眼佬」而為人熟識，後來因與葉玉卿合拍三級片《我為卿狂》而被定型，多年來拍過逾80部港產三級，他獲封為「三級片天王」之餘，當年更輕鬆月賺過百萬！豈料之後因投資股票失利，輸掉千萬身家，息影多年的曹查理惟有在內地登台從頭做起，有指月做6、7場商演的他收入高達八位數！最近他還進駐抖音，不時分享昔日拍戲趣事，惟被網民形容為北上「撈金」，對此他拍片激動澄清只為生活。

【點擊睇曹查理激動回應】：

曹查理以「我不是明星，我是一個電影工作從業人員」為題出post，片中他一臉嚴肅反駁「撈金」指控：「以前可能年青嘅時候紅過，但係而家年紀大，演出機會少，咁我哋啱啱有咁嘅機會喺內地、喺舞台上面表演畀你哋，賺取我所需要嘅金錢，你唔能夠講我係嚟呢度撈錢，呢個全部係錯誤嘅。」

曹查理續指，對於許多人來說這把年紀已經退休，故如今他仍能在舞台上表演已很厲害，並反問網民：「如果你有70幾歲，叫你喺舞台表演，賺嘅錢比你人工高，你做唔做到？你做唔到，但我做得到，所以千祈唔好用一個歧視嘅眼光望一個人。」曹查理又大方直認為維生而出山：「我點解要表演，賺啲錢？因為我要生活，所以我一定要呢啲錢先可以維持到我嘅生活，我喺出面打工搵唔到咁多錢。」