古佩玲仙氣Look被網民質疑再「進化」入行4年火速上位傳有富爸爸撐腰

更新時間：13:00 2023-04-27
發佈時間：13:00 2023-04-27

現年23歲的2019年港姐季軍古佩玲（Kelly），憑處境劇《愛回家之開心速遞》飾演「神婆June」一角成功入屋，生鬼的演繹不但深得觀眾喜歡，早前出席宣傳活動時更獲高層曾勵珍（珍姐）欽點拍照，明顯得寵！近日古佩玲獲珠寶品牌睇中，為旗下活動擔任表演嘉賓，昨晚（26日）她於社交網貼出花絮照，並識做留言多謝客戶支持：「感謝邀請，好開心可以有機會唱歌 #grateful #gratefullness」惟該輯靚相公開後卻惹來「再度進化」疑雲！

【點擊睇古佩玲靚樣升級】：

相中所見，穿白色Tube dress的古佩玲一改平日短髮齊陰造型，將長長秀髮綁成公主頭兼側分瀏海，充滿仙氣，但由於五官比起參選初期更精緻，鼻頭及下巴愈來愈尖的她即被指撞樣視后李佳芯（Ali），甚至有網民表示認不出：「唔認得」、「做乜靚了幾倍」、「去韓國返來吖，個樣唔同晒」。然而本月中，古佩玲曾貼出另一輯台下拍攝的靚相，當中用上較為自然的濾鏡，其樣貌亦跟平日差不多，有網民則力撐女神零加工：「換個髮型感覺唔同咗啫，不嬲都幾靚嘅佢」、「新化妝幾好，有質感有貴氣又優雅！」

古佩玲入行短短4年火速上位，早在參選時期曾被指後台強勁，有傳其父是內地前幹部後從商，背景實力非常雄厚，惟她否認稱一家全為香港人，雖沒有承認是「富二代」，但指爸爸和哥哥均經營家族生意，自己也不算窮。