中年好聲音丨龍婷沙田街頭賣唱狂收利是連小妹妹都有派 幾百人圍觀企滿樓梯
發佈時間：10:00 2023-05-01
TVB歌唱比賽節目《中年好聲音》所有結果都已塵埃落定，冠軍由周吉佩爆冷奪得，賽前大熱龍婷只獲得第4名，三甲不入，但獲得觀眾票選的「觀眾最愛好聲音」獎。從旺角通菜街歌頭表演出發的龍婷，前日及昨日（30日）一連兩日在沙田公園對出空地位置街頭演出，慶祝在街頭演唱6周年外，亦為《中年好聲音》謝票答謝觀眾支持，TVB娛樂新聞台前日更在YouTube直播龍婷街頭演唱。
【相關閱讀】：世上只有爸爸好丨吳大強睇廖啓智生前作品帶定紙巾入場 認有同TVB傾約考慮入行
【點擊睇龍婷沙田街頭賣唱】：
龍婷前日大唱《喜歡你》、《恰似你的溫柔》、《漫步人生路》、《熱情的沙漠》等經典歌，昨日再有不同歌單，唱《再見我的愛人》、《每當變幻時》、《新鴛鴦蝴蝶夢》等金曲。雖然前日一度落雨，龍婷更要擔遮演出，不過亦無礙觀眾熱情，目測有近300歌迷圍觀，連旁邊的樓梯還企滿觀眾。龍婷演唱期間，更有不少歌迷大派利是，工作人員亦一一接下，片段更見到有兩名6、7歲的小妹妹向龍婷派利是。
龍婷之後搞受娛樂新聞台訪問，直說：「超乎我想像，好激動，呢度都係第一次嚟，以前我一直都喺旺角，跟住旺角冇咗，去咗中環，好彩康文署有個地方，畀我哋呢啲熱愛音樂嘅朋友可以申請，可以抽籤，我就抽到今日。」龍婷最近忙於準備《中年好聲音》演唱會外，亦正籌備個人音樂會，她大呻時間不夠用，不過依然對於《中年好聲音》演唱會加場感到非常開心，還興奮說：「有冇得加朝早場㗎？已經晏畫、夜晚一日做兩場。」龍婷還希望早日有自己歌曲，不過就落閘唔肯唱搖滾：「我覺得慢歌可以療傷。」
另外，吳大強與囝囝吳偉豪將在下周日（7日）舉行的《中年好聲音紅白大戰》首度父子檔出戰，合唱《Nothing's Gonna Change My Love for You》。吳大強父子一同接受訪問，吳大強直言：「一直都好盼望呢個時刻嘅來臨，因為佢細嘅時候，叫佢唱又唔肯唱，又唔想逼佢，終於到今日可以同台唱歌。」旁邊的乖仔吳偉豪即刻補鑊：「我哋知爹哋唱得好，唔夠出嚟獻醜。」他還擦鞋說震音也是跟爸爸學，還表示希望多啲機會與爸爸合唱，至於四兄弟與爸爸合唱，吳大強則表示兒子要返工比較難夾時間。
【其他閱讀】：
東張西望丨83歲婆婆遭大女軟禁！為奪回320萬公屋苦尋兩女兒 再被鬧「連你都拉埋上差館」
肥媽李鼎丨鼎爺大爆一線女星遭老臨抽水 提供兩線索肥媽一估即中
何超蓮被求婚遇賭王離世守喪3年出嫁 5.97卡巨型粉鑽求婚戒指暗藏玄機
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
