東張西望丨日本涉性侵消防員中學深得女生寵愛 同學懷疑事件涉「消費糾紛」
發佈時間：22:30 2023-05-05
最近有一名香港30歲姓王消防員與老婆在日本旅行期間，涉嫌將一名當地女子性侵被捕，消息一出即引起港人熱議。今日（5日）播出的《東張西望》採訪該名消防員的中學同學高Sir，分享昔日與涉嫌性侵被捕的姓王消防員相處。
【點擊睇姓王消防員中同訪問】：
高Sir指與王姓消防員是中學同學，已經相識十多年：「佢喺學校好出名，係風雲人物，籃球隊隊長，好多女仔鍾意睇佢打波，佢性格好陽光，好鍾意戶外活動，好活躍，身邊都有好多女仔鍾意佢。佢太太性格係大家好鍾意嗰種女仔，好溫柔。佢哋從細識，識咗十幾年，係青梅竹馬，最近一兩年結婚，對佢哋來講蜜月旅行，疫情一直去唔到，最近先補返。」
高Sir透露王太是空中服務員，既美麗又溫柔，對於今次性侵事件，友人都覺得相當愕然：「點會係佢，冇可能。嗰陣讀書啲老師都好鍾意佢，喺學校又好受歡迎，點會喺背後做出呢啲事。」高Sir又透露涉案姓王消防員現況：「而家日本警方將佢擺咗係類似內地刑事拘留嘅地方，協助調查案件，視乎佢能唔能夠同個女事主和解，如果可以和解，可能刑責未必會太重。而家佢哋完全失聯，避見親友。」
對於有網猜測可能涉及嫖娼事件，高Sir亦不排除可能性：「我懷疑係消費糾紛，可能佢同日本從事特定行業女子，做啲特定交易。」高Sir認為今次事件最慘的是王太：「人生有幾多年十年吖，將十幾年光陰賭喺呢個男人身上，捱到佢考到消防隊長，捱出頭喇，結果又做呢啲嘢。對於女仔來講壓力好大，佢太太離婚又會畀人話，唔離婚又會畀人話。」
【其他閱讀】：
姚嘉妮13歲大女封「少女林嘉欣」升呢廣告明星！全臉曝光再晒長腿融化網民
愛回家丨直線抽擊《給十九歲的我》拍黑材料 「杜演」被要求刪片反斥：點拍點剪係創作自由
法言人｜「詠桐」林熹瞳任公司董事曾三奪影后 愛晒驚人上圍生活富貴不乏名牌
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
