肥媽李鼎丨游嘉欣竟然話生蠔似精子以形補形嚇親肥媽寸嘴鼎爺：食蝌蚪吖笨

更新時間：17:30 2023-05-22
發佈時間：17:30 2023-05-22

由肥媽（Maria Cordero）、李家鼎（李家鼎）及游嘉欣主持的TVB飲食節目《肥媽李鼎》，今晚（22日）至後日將會播出最後三集。今晚主題是「半邊仔女」，肥媽親授婆媳相處之道，而且字字珠璣：「最緊要鎖住佢個胃，你煮啲佢鍾意食嘅嘢，咁就一定冇問題。」肥媽還指自己不會鬧新抱：「自己個女同仔就鬧得，人哋個女唔鬧得。」更笑言當中竅妙與血緣有關。肥媽續指如果有東西想新抱改善，會透過兒子轉達：「永遠唔會直接同個新抱講，一定唔可以。」

【點擊睇

游嘉欣再問肥媽對新抱有甚麼要求，肥媽說：「佢𠱁得我仔開心，同埋肯生就得。」游嘉欣再問：「如果有心生，但生唔到點算？」到底肥媽會如何招架？肥媽又笑言會買減肥套餐，給新抱產後修身：「等佢哋生完可以減肥，同老公出街都靚啲嘛。」游嘉欣之後問李家鼎：「你個仔如果話想娶大佢30歲嘅老婆，你會點？」李家鼎聞言嚇到眼凸。

明晚播出一集，主題是「飲食秘方」，肥媽炮製有壯陽功效的「酥炸生蠔」時，游嘉欣指很多食物都是以形補形，肥媽聞言後說：「咁啲蠔似咩？」游嘉欣笑言：「似精子啩！」令人摸不着頭腦，李家鼎聞言窒爆游嘉欣說：「咁啲精子似蝌蚪，食蝌蚪吖笨！」游嘉欣即再天真地回應：「可能真係得㗎喎！男人食魚春係咪可以補春吖？」搞到肥媽和李家鼎哭笑不得。談到年近70的肥媽皮膚依然滑溜，肥媽即分享秘訣：「凍水洗面，暖水𠺘口，熱水浸腳，特別長命，皮膚都特別靚。」

「問題少女」游嘉欣則繼續語不驚人死不休，她在節目期間膽粗粗問李家鼎：「你唔好嬲我喎，你有冇搵過咩偏方幫自己生頭髮？」李家鼎沒好氣說：「我搵到，而家就唔使光晒啦！」李家鼎透露年輕時頭髮相當濃密，更大爆曾經有人找過他做小生，惟後來經歷兩次意外才導致光頭，更大嘆只好認命，李家鼎更會公開光頭真正原因。

【其他閱讀】：

勁歌43年情丨第一代主持盧敏儀罕現螢幕保養得宜比當年更有韻味

一舞傾城．劇透丨陳星妤為800萬肉金獻初夜！喊住除衫與富豪同牀恩客着「孖煙通」疑暗示得手

姚焯菲參加學校周年派對學炎明熹行成熟風眼前一亮同學個個低胸晚裝上陣

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ