中年好聲音丨龍婷開live呼籲fans捧場煲劇聽主題歌努力搵原創歌盼有代表作

更新時間：14:00 2023-06-07
發佈時間：14:00 2023-06-07

有「小龍女」之稱的龍婷雖然在TVB歌唱比賽節目《中年好聲音》大熱倒灶，只奪得第4名兼獲得觀眾票選的「觀眾最愛好聲音」獎，不過依然無損龍婷的人氣，她試過在沙田公園對出空地位置街頭演出，又有個人音樂，最近更與緋聞男友丁文俊為外購劇《天龍八部》合唱主題曲《萬水千山縱橫》，風頭可謂一時無兩！

【相關文章】：中年好聲音丨龍婷拎5位數積蓄來港追夢曾鬥志消沉應徵侍應被拒街頭唱歌一日只賺呢個數

【點擊睇龍婷菜街】：

即使工作有幾忙，龍婷亦有在社交平台開live獻唱，昨晚她在自己的YouTube Channel開live，談到當日與丁文俊拍MV的情況，她笑言大家到時記得捧場：「嗰日拍MV係幾好玩，拍咗13個鐘，真係好唔容易。我哋都拍咗好多花絮，留番遲啲先界畀你哋睇。」不過她未有獻唱《萬水千山縱橫》，反而選擇了唱一首
原創歌，她說：「好多朋友想我有多啲原創歌，亦都有人叫我慳啲洗錢，唔好再搵咁多原創歌，但係我覺得作一為一個真正嘅歌手，有邊個唔想有自己嘅原創歌？我自己好想有一首代表作，不過呢啲都要睇天時地利同人和，唔搵就一定唔會有，搵嘅話，就會有機會出現。」

另一方面，龍婷和丁文俊日前接受TVB的YouTube Channel《See Saw 先》訪問，她說：「呢首歌一直都係聽男仔唱，冇諗過可以係合唱，但係試咗之後都覺得啱喎，聽落係好舒服。」