好睡好起丨Lucy原來係戲精！被媽咪催瞓覺一秒爆喊 全程冇眼淚演技高超
發佈時間：20:00 2023-06-09
李璨琛5歲大女李元元（Lucy）精靈活潑，一直都深受網民歡迎，日前「Lucy媽」梁志瑩在IG留言透露接受方東昇、黃曉瑩、李曉欣主持的TVB節目《好睡好起》訪問，更表明是因為方東昇而拍攝。Lucy一家受訪片段昨晚終於播出，不肯早睡的Lucy表情多多，相當鬼馬，扭計時更展現一秒變臉的絕技！
【相關閱讀】：好睡好起丨Lucy家居拍節目閨房曝光 獨佔一室空間大睡牀夠瞓二人
【點擊睇Lucy表情包】：
《好睡好起》主題是「從小『瞓』練」，方東昇團隊在晚上到訪李璨琛家中，拍攝Lucy入睡情況。雖然設定Lucy要在晚上10時半入睡，不過Lucy其實是「不睡公主」，從小到大已經好難入睡，更試過晚上1點才睡覺。訪問中Lucy繼續與往常一「賴死唔瞓」，又畫畫又扮靚，表現相當活潑。至晚上9時40分，Lucy竟然叫爸爸李璨琛一齊玩「蓋棉胎」，李璨琛指自己因為經常不在家中，所以希望多抽時間陪Lucy，而Lucy媽亦表示：「我哋嘅理念就係玩爆佢，玩到佢最攰。」
不過當Lucy玩完「蓋棉胎」，又要玩「潛烏龜」，潛完烏龜又再要玩飛行棋，結果愈來愈興奮，繼續唔願瞓。當玩完飛行棋已經10時半，當Lucy媽叫Lucy入房瞓覺，Lucy竟然施展一秒變臉，立即爆喊，但全程卻沒有一滴眼淚。經過爸爸「瞓話」後，Lucy終於肯去擦牙瞓覺，不過入到房依然唔肯瞓，一個人在房間亦繼續玩，更對着鏡頭扮鬼扮馬。Lucy媽之後入房，以音樂𠱁Lucy、與她一齊數棉羊、講故事，不過全部徒勞無功；之後方東昇等人決定離開，讓Lucy好好入眠，最後終於在午夜12時前作功瞓着。
【其他閱讀】：
台灣41歲女星全裸金Look孕照僅以手遮胸 被嘲似十八銅人以3個字回應
專訪｜伍富橋與富貴老婆新聞台相識印象差：唔係正常女仔 認「億萬駙馬」形容貼切
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
