談泉慶罕露面撐溫拿！留白鬚撞樣元華 轉行逾廿年退休教保齡球打亞運
發佈時間：23:00 2023-06-10
溫拿樂隊入行50年，今年8月將舉行《溫拿 情不變．說再見 Farewell with LOVE演唱會》，仍為慶祝樂隊50周年兼告別派對。溫拿樂隊日前拍攝的節目《溫拿50好時光》今晚（10日）播出，五子遊電車河，講述童年百厭事，又往北角一帶閒逛，細談年少時互到對方家中的趣事。其中一環節，溫拿與眾好友酒吧聚首，當中見到已淡出幕前的談泉慶、楊又祥，以及潘嘉德現身，三人笑談當年拍攝《溫拿狂想曲》的有趣點滴，勾起大眾的「回憶殺」。
【相關閱讀】：溫拿復刻50年前唱片封套五虎變「老友記」 網民笑問：忘記縮肚肚嗎？
【點擊睇談泉慶近況】：
已有多年沒有在幕前出現的談泉慶，依然高大。陳友望住談泉慶問：「談泉慶點解你靚仔咗好多？」雖然髮量變少，又長滿白鬚，但談泉慶精神好好，笑住拍手憶當年：「當時我仲喺訓練班好大隻家嘛，要喺你哋5位唱歌之餘搞啲笑料出嚟，所以就叫我不如你做個大隻佬，去恰吓啲細細粒嘅人啦！」當年的談泉慶不但扮鬼扮馬，又有與楊又祥打自由搏擊搞笑。談泉慶重看片段，笑說當年好年輕。譚詠麟仲爆出談泉慶是陳百祥（阿叻）的恩人，經阿叻解釋：「恩人係因為佢搭呢個恩人（指住談泉慶），佢帶我去你生日Party，咁就累咗我一生喇！」譚詠麟踢爆是阿叻求自己介紹黃杏秀，就是在談泉慶的生日派對上。節目中，溫拿五子亦錄下對隊友的感言，眾人一度感觸眼濕濕。
現年72歲的老牌綠葉談泉慶，是1975年TVB第四期藝員訓練班學員，因擁有6呎1吋的身高，加上做過輔警，曾在多部劇集中飾演幫辦、監獄署（懲教署前身）事務高級監督、警司等角色，讓他成為TVB的「御用警司」。在TVB工作23年的他，於1998年約滿後離巢，之後談泉慶獲洲立影片老闆賞識，加入旗下公司任顧問，並於2013年發現自己有三高，正式退休。淡出幕前逾20年，談泉慶進軍保齡球界做教練，還代表港隊參加亞運。
【其他文章】：
70歲李道洪定居上海回春Look返港會友 原來家世顯赫係歷史名臣之後
尹光親自回應網民真身翻唱訴求 遭AI搶飯碗大唱姜濤Hit歌成熱話
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
