姚焯菲放長假獨留宿舍仲要考入讀大學試 首次自己一個睇戲落淚
發佈時間：14:30 2023-06-13
《聲夢傳奇》出身的姚焯菲（Chantel）參賽時只有14歲，現時16歲的她在今年年初已到紐西蘭升學，為令一班「小菲象」多了解她在彼邦的生活，她不時會拍Vlog更新近況，日前她便分享如何度過3日周末長假。其父母將她送到外國留學，就是要她嘗試獨立學識照顧自己，在這幾天假期，雖然同學們都離校回家，但獨自留在宿舍的她卻不愁寂寞，享受Me time。反而有件事卻令她非常緊張，就是竟然要在放假期間去考試。
【相關閱讀】：姚焯菲爆炎明熹面試開口震驚全場 曾為到紐西蘭讀書與父母嘈交
【點擊睇姚焯菲紐西蘭生活靚相】：
獨留宿舍的姚焯菲在影片中稱，雖然朋友們都已回家，但她可因此專心溫書應付考試，並且記錄了這幾天的行程，她說：「呢個長周末假期，我會做一樣好特別嘅嘢，我諗冇人會做，就係放假去考試，呢個考試係入讀大學試，爸爸媽媽覺得去考亦無妨，我係第一次考，所以周五晚要溫書溫到頭都爆，同埋好緊張。」她在應考當日6時便起牀，自己準備早餐，且天還未光就要出門，準備8時開始的3小時考試，可見她長大不少，但她考完卻指：「好多嘢唔識。」
被指在紐西蘭胖了點的姚焯菲，也趁這個假期到Gym House做運動，見她滿頭大汗素顏出鏡，之後又到超市購買日常用品及食物，還娓娓道出姚家絕學「牛油果催熟大法」：「媽咪教我，如果啲牛油果好生，可以擺喺電腦隔籬，只要兩日，就算好生嘅牛油果都會變熟。」她又揀選袋裝三文魚後便乘巴士回家。
連續兩日都平淡度過，姚焯菲在第三日假期決定輕鬆一下到戲院看戲：「雖然《小魚仙》我已經睇過，但好想再睇一次，我未試過一個人去戲院，不過嗰間戲院好好大，仲可以瞓低睇，同埋第二次睇都睇到喊。」姚焯菲早前接受電台訪問時坦承最初曾極反對父母要她留學的決定，她說：「一開始有擔心，又唔開心，仲試過嘈交。之前都唔認識紐西蘭，以為只有一片草地同好多羊，羊可能多過人，我唔鍾意啲咁悶嘅地方！」但不少網民看過她的Vlog後都覺得姚焯菲變得成熟，生活又有規律，或許是正確的決定，她自己亦認同在紐西蘭可以專心讀書，放假回來又可專心做歌，自覺已成長且獨立。
【其他文章】：
甘比湊三子女行六層樓梯探深水埗劏房戶 囝囝激罕現身14歲大女秀樺親入福袋
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
