林泳淘港鐵遭非禮出PO公審反被質疑 不滿賺流量論反擊網民：二次傷害
發佈時間：17:00 2023-06-23
《東張西望》前主持林泳淘日前曾在社交平台發文，稱自己在搭港鐵時被人拍pat pat非禮，她拍下一男子照片並上載，不過及後林泳淘刪走帖文，並表示出story之前，已經預咗會被人話，因為無當場對質；事後，不少網友戥她可憐，不過亦有人謂「夠膽影相，唔夠膽報警？」指她想藉此賺流量。
【相關閱讀】：《東張》女神林泳淘連天台愛巢曝光 文青設計客廳景觀有山又有水
【點擊睇林泳淘反擊網民】：
連日受大量網民攻擊，林泳淘今日（23日）再發文為事件反擊，她寫道：「我只能夠話唔係發生係（喺）你身上你緊係講咩都可以好大聲。事情發生當下，你根本反應唔切，而就算回魂之後只有一個人你都會考慮好多嘢，我應唔應該大叫？如果佢唔認咁點？我係咪應該捉住佢？佢會唔會發爛渣？而到最後，影相係我能夠為自己做嘅事。嬲自己冇即時反應到，唔希望呢啲事會喺其他人身上再次發生。」
對於上載男子的相片公審未有打格，被網民指做法不當，林泳淘承認是自己的疏忽：「係自己考慮不周，我明白自己嘅錯，當然個（嗰）時已經太遲，亦冇諗過事件會咁樣發酵，對於衝動而作出錯誤嘅行為影響到人，呢一點係我最內疚嘅地方。」
而網民的評論引申出「女權論」、「男人就係原罪」，又指她為賺流量不擇手段，林泳淘就表示：「我真係腦洞大開。我唔係歧視，不過想問乜搭車小心自己隻手，唔好摸到人Pat Pat真係咁難？」最後她謂：「只係抱歉因為自己處理得不恰當，而令事件變得難堪，希望唔會影響被同類事件傷害過嘅人嘅心情，或者令人遇到非禮事件之後變得更加難以啟齒，慶幸自己唔係太過脆弱嘅人，仲未被深深二次傷害到」。
【其他文章】：
林泳淘《東張西望》經典小背心加斜孭袋再出動！ 被尹光兜頭淋水玩濕身誘惑
東張西望｜王嘉慧激凸背心成焦點 被翻摷舊照上圍突升Cup？擁高學歷家底仲超豐厚
東張西望丨東張女神梁敏巧小背心又出動 網民錯重點擔心受訪者：另類測試？
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
