中年好聲音丨吳大強曾擁八嚿腹肌後生已想入行 四子勁叻有消防員機師
發佈時間：14:40 2023-06-25
吳大強今年以71歲之高齡參加《中年好聲音》，雖然最後大熱倒灶，不過仍然深受觀眾歡而爆紅！近日吳大強接受車淑梅主持的港台節目《舊日的足跡》訪問，曾任職輔警的吳大強，四個兒子個個都事業有成，位位都出類拔萃！
【相關閱讀】：中年好聲音演唱會‧尾場丨吳大強唱足3場仍夠中氣 再拎暈倒事件講笑：個天係咪驚我唔夠紅
【點擊睇吳大強、吳偉豪父子照】：
在節目上，吳大強表示小時候家住元朗，經常健身，擁有八塊腹肌及兩個夢想。當年他渴望成為職業球星或明星，可惜事與願違，到了1971年，他參加香港電台舉辦的歌唱比賽，憑歌曲《One Day》獲得第二名，翌年報名無綫電視藝員訓練班卻失落了：「喺比賽第二輪已冇下文，可能我唔夠靚仔又唔夠高。結咗婚之後，我睇住四個仔，心諗佢哋會唔會有天份入娛樂圈？會唔會有呢個興趣女同能耐？」結果吳大強當年為老二和老三報名無綫的藝訓班，在千多人之中只選九名入圍者：「結果佢哋兩個都揀中咗，但係老二一直夢想做飛機師，要去加拿大升學，結果得老三加入了娛樂圈。」
談到他的四個兒子，吳大強說： 「我四個仔個名最後一個字分別係『諾』、『言』、『豪』、『傑』，係我對佢哋嘅期望。我做過輔警，太太任職懲教處。我哋住宿舍，屋企非常守紀律。當年老大考消防隊長，我曾經好擔心。佢畢咗業冇幾耐，牛頭角大火事件傳出有消防隊長出事，嗰陣佢都喺現場。我打電話畀佢又冇人聽，好彩最終都搵到佢。」 他續說：「老二要做飛機師，我認為呢啲係不切實際嘅夢想，但咁啱國泰招募機師，佢過咗好多關，而家終於喺澳洲畢業，仲代表同學致謝辭，我覺得好驕傲，佢做咗飛機師，等我有乘機優惠，家叫做係收成期，可惜又遇上疫情……我暫時仲未坐過佢揸嘅飛機。」
不過問兒子感情事
四個兒子中，老三吳偉豪可謂實現了吳大強的夢想，他並不擔心兒子沒有一炮而紅，因為兒子跟同期同學相比，表現也算令人滿意，甚至曾有人讚吳偉豪為「翻版吳彥祖」，不過吳大強說：「電視台比佢靚仔嘅演員大有人在，佢做戲還可以，我曾經擔心佢會學壞，但原來劇組就好似一家人互相照顧，令我好放心。」去年吳偉豪獲頒「飛躍進步男藝人獎」，吳大強當然感到非常開心：「幸運地佢舊年參演嘅劇集令佢有發揮機會，自此之後佢更有信心。喺呢個圈一定要學習其他人嘅演技，唔一定要似發哥（周潤發）或華仔（劉德華），但係努力去做。」吳大強還說自己是遲婚一族，40歲才做爸爸，並指自己對幾名兒子選擇女友甚為開通：「雖然我係潮州人，但佢哋唔一定要娶潮州女孩。靚女梗係好，但心地好更加重要。」
【其他文章】：
非常檢控觀丨吳大強首拍劇靠囝囝帶入戲 吳偉豪驚嗲哋表現太好搶飯碗
吳大強20年前父子照曝光樣貌衣着零變化 吳偉豪兒時激似老竇 被揭5歲都未戒奶？
中年好聲音｜吳大強父子檔首度同台合唱 吳偉豪有望同爸爸演對手戲？
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
