中年好聲音2 丨李思捷緋聞舊愛Naomi獲表哥林俊賢力撐 開聲唔夠氣音準被批評
發佈時間：18:00 2023-07-02
《中年好聲音2》今日（2日）進行第三輪海選，多位在圈中人浮沉多年的藝人也有參加，其中與李思捷曾傳緋聞的38歲馮鎵瀠（Naomi），紮起兩條辮，穿上粉紅緊身背心，露出粗腰現身，她以「過氣寫真𡃁模」作自我介紹，又大打友情牌，表示上屆有逾20名朋友入圍，更有人打入八強比賽，今次報名參加，更是獲得表哥林俊賢支持。
【相關閱讀】：Naomi美容院捲醫學美容療程事故 指事主隔8個月先要求賠償65萬
【點擊睇Naomi參加海選】：
Naomi介紹自己時表示：「我諗大家對我認知唔係好多，大家都係音樂人，我最為人記得應該係11年前我出道嘅寫真𡃁模，今日我係過氣嘅寫真𡃁模。」伍仲衡好奇是否剛夠年齡參加節目，Naomi就指自己已夠了幾年：「上屆本身諗住參加，但係我男朋友極度反對，（飛咗佢？）上屆我有廿幾個Friends入咗，喺出面都係我啲朋友，入咗100強，8強都有，都係我細個比賽嘅戰友。」肥媽原想打斷其說話，問今次準備的歌曲時，Naomi忽然稱想透過節目上《獎門人》。又提及表哥林俊賢表示：「我表哥叫我參加今年，佢撐我，佢唔撐自己個女（林鈺洧）選港姐，但係佢撐我，呢個係main point。」
聲音沙啞的Naomi揀選楊千嬅的歌曲《野孩子》，只唱出第一節約1分鐘已被叮，伍仲衡婉轉建議：「音準要聽返自己，有冇唱完自己聽番呀？」不過Naomi就撐因為突然起音樂，有點緊張。而周國豐就直指唔夠氣：「另外要練氣囉！」
男友為細10年陳漢娜胞弟
從13歲開始客串電影的Naomi，明星夢發足多年，16歲參加雜誌比賽打入最後5強晉身模特兒界，18歲拍廣告。曾簽約漢傳媒成為糖妹、Dear Jane同門師妹，後因公司重組，轉到台灣發展。2012年回流發展推出𡃁模寫真，直到2016年從商。Naomi除是林俊賢的表妹，2022港姐冠軍林鈺洧的表姑姐，更曾與李思捷傳緋聞，當年有傳Naomi介入，踢走正印王寶葆（春卷）。之後又爆出她與佘詩曼爭男友，而她最新一任男友是細10年的女演員陳漢娜胞弟Angus。
追債兩萬公開數臭張致恒
Naomi另一名作，是2021年公開向前BOYZ成員張致恒（Steven）追數，最初以揞名爆形式「借錢唔還，仲請工人及買電器」，嬲爆祝債仔「有報應」。其後「債仔」身分曝光，正是Naomi由16歲認識至今的同學張致恒，她指對方有工開有收入卻不還錢。又傳出除自己以外，張致恆於數年前已跟多位前女友有金錢轇轕，更向前隊友關智斌、鄭希怡借錢等，爭落一身街數。Naomi為借予張致恆2萬元下最後通牒迫還債。此外，Naomi任老闆之一的美容院曾捲醫學美容療程事故風波，事後開記者會作交代，並向警方備案。
【其他文章】：
雯雯疑再被老公張致恒連累遭追債 自爆對話內容充滿無力感：我又可以點
中年好聲音2 丨《巨聲》隊長劉威煌捲土重來現身海選 老貓燒鬚甩咀唱漏歌詞：好緊張！
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
