請1日假去旅行丨黎諾懿上廣州竟與「女兒」相認陳懿德邵初同款泳衣再競選

即時娛樂

更新時間：19:00 2023-07-07
發佈時間：19:00 2023-07-07

TVB今晚（7 日）播出的旅遊節目《請1日假去旅行廣州篇》，除有譚玉瑛、麥長青（麥包）和陳懿德外，還有與陳懿德同屆參選港姐的邵初加入主持行列，黎諾懿及曾在《BB來了》飾演女兒「允豬」的妃頤妹妹擔任嘉賓。

【相關閱讀】：高海寧着肚兜裝僅以兩線固定上衣封鎖上圍仍有驚喜晒白滑部位

【點擊睇邵初陳懿德晒水着靚相】：

譚玉瑛、麥包和陳懿德去了有逾八百年歷史的沙灣古鎮遊玩，大歎當地特色美食如掟死狗、爬金山和薑埋奶等；之後再去西坊大院體驗文青之旅，麥包更親手炮製手調飲料孝敬譚玉瑛，他笑言：「呢個就係我喺廣州兩年學到嘅嘢，當冇人搵我拍嘢，我就會喺街上面賣檸檬茶！」晚上食飯時，陳懿德問麥包與譚玉瑛為何如此老友，麥包笑言：「可能人夾人，佢（譚玉瑛）同黎芷珊都好包容我，我有時比較粗魯冇乜禮貌，但佢哋都好接納我。」譚玉瑛聞言即加一句：「原來你都知嘅，知都好緊要㗎，但改唔改就係一件事！」

翌日，邵初、黎諾懿和妃頤妹妹加入與三名主持到廣州長隆度假區，黎諾懿重遇「愛女」即化身廿四孝爸爸，陪妃頤妹妹玩兒童版過山車、跳樓機等，畫面溫馨。兩位同屆港姐陳懿德和邵初在水上樂園大解放，姊妹情深的兩人穿上同款泳衣，除了結伴玩漂流外，還會挑戰刺激度爆錶的滑水梯，玩完被邵初扶着走的陳懿德說：「鍾意刺激嘅人真係要嚟玩！」晚上兩姊妹依然穿上泳衣參加水上電音派對狂歡。

【其他文章】：

譚玉瑛黎諾懿合作拍微電影　姊弟開火一Take過搞掂

黎諾懿6歲大仔染病毒發高燒入院病徵似感冒提醒家長要積極求醫

郭柏妍重手濾鏡嚇人雙眼放大又凸網民驚訝黎諾懿一齊直播帶貨無事

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ