前TVB主播梁凱寧公開有拍拖4年男友 曾Po與型男頭貼頭合照激走粉絲
發佈時間：13:00 2023-07-08
現年30歲的前TVB主播梁凱寧（Maggie）一向樣貌身材兼備，即使離職多時仍成為網民追捧的對象。除了外表出眾，梁凱寧學歷高又多才多藝，於2020年考進中大醫學院修讀碩士課程，於去年8月正式開始言語治療師工作，又成立一間廣告及製作公司，還身兼節目主持、兼職大學講師，近來更努力經營社交平台做KOL。擁有如此優厚的條件，女神卻自爆原來已經有一位拍拖多年的男友。
【相關閱讀】：前TVB主播梁凱寧驚見發福走樣？ 兩型男陪遊日身份引討論
【點擊睇梁凱寧靚相】：
梁凱寧經常在社交網派福利，亦經常與家人旅行，從不見身邊有男伴，但她日前現身歪歪、阿酸主持的商台節目《二人限聚》任嘉賓時，卻罕有地大談自己的戀愛經歷。她說：「𠵱家呢個拍咗4年，同之前拍咗7年嘅男朋友，佢哋都唔係大隻佬嚟。計埋中學雞拖吓手仔嗰啲，更加唔會有大隻佬，所以我唔係睇一個人外貌先一齊。」
雖然梁凱寧被很多人封為女神，她卻形容自己「性格麻甩、男仔頭兼粗魯」，與幕前形象截然不同，更稱容易與男追求者變成兄弟，她說：「有時啲朋友搞Party，朋友搭朋友又會帶啲男仔嚟，嚟之前會話『嘩，有梁凱寧正呀，我要去呀』，但玩完之後嘅Comment都係『嘩，好大反差。』」
現時仍未看到梁凱寧男友的真身，但她的家人全是靚仔靚女，她早前曾晒出父母年輕時的照片，只見梁父穿上制服英氣十足，至於媽媽外表出眾之餘，亦甚具型格。2021年時，梁凱寧曾上載一張與一名型男頭貼頭慶祝生日的合照，更寫上「Happy Bday My Dear」，令網民以為她要公開戀情，粉絲聲稱要unfollow！後來才知這位濃眉大眼的美男子原來是其哥哥，網民都想知在這種家庭背景下，梁凱寧的男友又會長什麼樣子。
【其他文章】：
5位女神級主播齊貼20歲舊照青春可愛 呢個小花10年前已晒長腿勁吸睛
谷阿莫YouTube新片疑不慎「露鳥」 港網民即刻諗起梁凱寧出浴倒影疑失守
前TVB主播梁凱寧踩入KOL界狂接工作 首拍牀戲嘆犧牲大兼失眠
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
