香港小姐2023｜準佳麗遭喝令卸妝爆喊「銀髮蔡思貝」一原因激嬲陳嘉容

即時娛樂

更新時間：19:30 2023-07-08
發佈時間：19:30 2023-07-08

TVB節目《2023香港小姐競選終極面試》明晚（9日）播出最後一集，節目中，22位晉級準佳麗經評審團嚴格考核後，將有4名參賽者被淘汰，而成功晉級的準佳麗會出發越南拍外景。

【相關閱讀】：選美考古丨選美皇后楊寶玲三度結婚愛得甜蜜靚足36年身家豐厚成「最強冠軍」

【點擊睇22位準佳麗受訓】：

今集《2023香港小姐競選終極面試》一班準佳麗率先接受口才挑戰，全部問題來自ChatGPT，包括：「如果你有100個檸檬，你會點做？」、「如果外星人嚟到地球，你會點樣同佢解釋地球人嘅自拍文化？」、「如果當選港姐冠軍可以成為超級英雄，超能力係可以長時間張開對眼，你會點運用呢種能力拯救地球？」等，相當奇特。有準佳麗急智十足答得有紋有路，亦有人被指答非所問，評審之一的總經理（節目內容營運）曾志偉笑稱：「好犀利，佢可以完全答咗另外一樣嘢！」

黃泳嘉Jessica淚崩

除此之外，準佳麗們還接受了口才、化妝及Catwalk訓練，口才訓練由師姐馮盈盈及林盛斌（Bob）擔任導師，其間被點名做示範的黃泳嘉（Jessica）竟緊張得淚崩，令其他參賽者亦被感染喊埋一份，現場即時變成淚海，眾人摟作一團互相安慰。化妝訓練則由人稱「大哥賢」的著名化妝師雷淑賢擔任導師，她一出場即霸氣下令準佳麗拆掉假眼睫毛：「好似『葵花寶典』咁，搶晒你個樣，唔係長同密就係靚！」

至於Catwalk訓練由名模陳嘉容擔任導師，其中鄧凱文（Eris）行到似「操兵」，遭陳嘉容下令行到合格為止，陳嘉容更爆出一句：「記唔記腳踭落地先呀，我最後一次講架喇，落選唔關我事！」席間亦發生小插曲，「銀髮蔡思貝」郭珮文（Juliana）因遲到被陳嘉容鬧爆：「你又遲到喎，點解唔早啲出門口呀？」