音樂人許愿曾戀林憶蓮李麗珍 自爆被飛嘆感情難維繫真正原因
發佈時間：14:00 2023-07-23
80年代著名音樂人許愿曾與張國榮、羅文和張學友等多位巨星合作無間，一手將前女友林憶蓮捧上天后地位，到了1996年與李麗珍結婚兼育有女兒許倚榕，不過這段婚姻維持了4年便結束。日前許愿接受商台節目《星光背後》訪問，談過去兩段感情失敗的主要原因，許愿說：「你要問返佢哋，因為唔係我講分手！」
【相關閱讀】：李麗珍女兒許倚榕誘人坐姿慶26歲生日 愈大愈有星味搣甩「野獸」老竇影子
【點擊睇許愿與林憶蓮李麗珍照】：
許愿近年轉戰內地發展，去年獲邀出任音樂節目《聲生不息》高級音樂顧問，今年又推出的新書《離地半尺，夢回我們兵荒馬亂的青春》，早前他接受商業節目《星光背後》訪問，許愿在1987年與林憶蓮公開戀情，到了1996年，許愿與李麗珍結婚，雖然當年被外界稱為「美女與野獸」的組合，不過依然成為男性的羨慕對象，在節目上被問及過去兩段感情失敗的主要原因，是否與專注事業有關？許愿說：「呢個可能性係絕對有，但係你要問返佢哋，因為唔係我講分手。我係好感恩，但係喺娛樂圈呢個咁水深火熱嘅地方談戀愛，係好大壓力，而要喺呢個大壓力煲入面維持一段關係，係幾唔容易嘅事。」
離婚後父女關係良好
雖然與李麗珍離婚後，女兒許倚榕由媽媽照顧，父女關係一直良好，但原來許愿曾對未能給女兒一個完整家庭而感到有點遺撼：「最初係有，直到佢上咗中學，過咗一啲難關，佢嘅童年時真係一啲都唔容易，有好多難關要過，作為爸爸當然要輔助佢，不過好多謝身邊朋友，好似芳芳姐(蕭芳芳)、Deanie(葉德嫻)幫我點樣教導個女同保護個女，令到佢喺心理上可以好健康長大，之後到加拿大升學，也係我安排，佢而家係一個好負責任嘅年青人。」他又說：「我哋嘅關係非常close，阿女同媽咪嘅關係亦好好，而家係佢照顧媽咪。」
對於與李麗珍所生的女兒被網民稱為「最美星二代」，許愿說：「最初佢係有諗過想入行，我很開通，但佢媽媽就冇我咁開通囉！後生仔要畀佢自己選擇條路，但最後係阿女自己選擇唔入行。」目前女兒積極經營社交媒體，並成為出色KOL，許愿對此已感到很滿意，認為囡囡一直是個很有想法和計劃的人，坦言一點也不擔心她，最重要是囡囡過得開心。
【其他閱讀】：
最愛是誰丨李麗珍演繹舊愛潘源良作品感觸嚎哭 糾纏超過30年4度離合無疾而終
57歲李麗珍殘爆頹廢樣演活喪女母親演技獲激讚 嚎哭後放下執着勁洋蔥
黎耀祥兒子現身賀公公生日 被批炫富後變低調與李麗珍女係青梅竹馬
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
