黎耀祥炎夏踎街食粥轉型做KOL移居中山住氣派豪宅

更新時間：21:00 2023-07-26
發佈時間：21:00 2023-07-26

TVB三屆視帝黎耀祥北上發展已經有一段日子，試過拍劇兼參與綜藝節目，後來更試過直播帶貨，近年黎耀祥還在中山置業，與老婆Julia（梁耀蓮）變成「飲食KOL」，幾乎食勻中國各省。日前他在抖音拍片，介紹中山的美食，身家豐厚的黎耀祥，一身街裝在一間街邊大排檔吃宵夜，即使30多度高溫，黎耀祥食豬骨粥食到大汗疊細汗，都面不改容！

【其他閱讀】：盤點9位愈住愈富貴TVB人黎耀祥公屋變3千萬獨立屋有米富婆由豪宅搬去超級豪宅

【點擊睇黎耀祥變飲食KOL】：

向來對粥麵都情有獨鍾黎耀祥，在抖音貼了一段片並留言：「中山第一餐宵夜，吃好的」，原來他口中的「食好嘢」，是最愛的粥再配上數碟小菜，一身街坊打扮的黎耀祥坐在露天大排檔用餐，雖然未有受到貴賓式招待，但他依然樂在其中，食到流晒汗都覺得津津有味，不過他笑言：「如果呢度有埋空調真係無得頂啊！」期間有不少找視帝影相，他統統來者不拒，任影唔嬲！

內地置業獨愛中山

黎耀祥近年因工作關係經常來往香港及內地，幾經考慮下選擇在中山置業，他曾說：「可能始終都係廣東人啦，對廣東始終都有個親切感，就算成日去北京、杭州做嘢，但硬係冇嗰種要定居嘅感覺，反而中山就唔同喇，好多嘢都好親切。」黎耀祥更曾經帶朱凱婷參觀新居，室內落地大玻璃令全屋採光度十足，客廳空間感相當大，可以擺放了一張L型梳化，還有一張單人椅及雲石茶几，牆邊設有一大個櫃，裝修更極具氣派，巨型露台擺放了不少植物並設有枱凳。

【其他閱讀】：

黎耀祥老婆激罕短褲look晒白滑美腿有肌肉線條fit爆唔使開工最愛行超市買餸

黎耀祥兒子現身賀公公生日被批炫富後變低調與李麗珍女係青梅竹馬

黎耀祥孖愛妻內地甜蜜賞櫻食好西三屆視帝北上發展微服出巡居然冇人識？

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ