蔡卓妍遊韓同框細11歲吳千語網民感驚奇共通點竟同「百億」有關

更新時間：14:40 2023-08-04
發佈時間：14:40 2023-08-04

40歲蔡卓妍（阿Sa）最近「報復式」旅行，繼早前跟家人暢遊泰國及瑞士後，昨晚（3日）再自爆相約一班好友去韓國玩，更一口氣於社交網貼出多張靚相，她寫道：「其實咁大班人去旅行係有難度嘅，不過好彩有人今次好有心機咁做晒pdf，thank you @y.a.n.nesmakeup，同埋有得出門靠朋友，一早幫我哋訂晒所有嘢，Thank you 阿妹 @lee_hoi_lam。#有時識人真係好過識字 #難得有一次去旅行可以做廢人雖然唔係去咗好多日，但係真係玩咗好多嘢。」

【相關閱讀】：Anson Lo盧瀚霆演唱會丨追星成功自爆細個就追阿Sa 原來相識已久睇住大

【點擊睇蔡卓妍韓國遊】：

雖然今次做「Free Rider」不勞而獲，但蔡卓妍笑言「有時去旅行真係攰過返工」，幸心靈上總算充滿電，仍期待原班人馬再去旅行。相中所見，蔡卓妍一行人玩了斜坡滑車、去了復古Cafe打卡，又吃盡蒜蓉芝士包、烤肉、冷面等地道美食；不過，最令網民驚喜是吳千語也有同行，由於兩人似乎在圈中沒甚交集，大家都很驚訝她們竟是閨密：「原來同吳千語都係朋友，我兩個女神」、「哇塞，和千語BB誒」，眾人還大讚蔡卓妍比年小11歲的吳千語更少女：「永遠都不會老的感覺」、「童顏女神」、「而家四張嘢嘅你成熟、有魅力，又真係幾正嘅」。

私下交集朋友圈

其實蔡卓妍與吳千語相識多年，均是著名時裝指導馬天佑的好朋友，早在2019年蔡卓妍已現身吳千語生日，後者亦與不少英皇藝人稔熟，除跟旗下的林峯曾拍拖五年外，與曾合作拍戲的關智斌也是無繩滑水（Wakesurfing）鐵腳。而兩女另一共通點，是雙方各自有個富貴男友，蔡卓妍2017年與「百億麻將館太子爺」石恆聰（Anthony）拍拖，吳千語2018年與「百億富三代」施伯雄拍拖，至今兩對情侶感情穩定，屢傳婚訊。今年6月馬天佑生日，蔡卓妍和吳千語都有出席生日飯局，吳千語更帶埋施伯雄恩愛現身。