盤點5位曾患產後抑鬱女星！何家超模新抱怕保姆搶子 前港姐禁子進食
發佈時間：17:50 2023-08-19
何雁詩去年與老公鄭俊弘迎來一子，產後馬不停蹄工作，簽約新公司及推出新歌。何雁詩直言要平衡事業及家庭並不容易，更透露曾受荷爾蒙影響陷焦慮，多次無端爆喊。其實過去何雁詩都曾分享處產後抑鬱邊緣，老公鄭俊弘外出一會都會擔心被離棄而狂哭，幸好有老公鄭俊弘安撫及陪伴。圈中有不少女星都曾分享患產後抑鬱，其中影后袁詠儀的分享最令人心疼，她曾表示險些因而離婚。
【相關閱讀】：何雁詩產後陷焦慮呻做職場媽咪捱到病 1歲餅印仔被鄭俊弘一舉動嚇到超驚恐
【點擊睇5位曾患產後抑鬱女星】：
影后袁詠儀與張智霖愛情長跑9年結婚，今年是二人結婚22周年。袁詠儀與張智霖求子多年，最終成功誕下一子張慕童，袁詠儀曾多次在節目中分享當年懷孕時非常辛苦，初期不斷嘔吐要服止嘔藥，一度有墮胎念頭。袁詠儀亦曾表示不滿老公張智霖在她懷孕時仍頻繁地外出與郭富城等好友聚會，後來才明白張智霖亦需要放鬆。直至產後，袁詠儀情緒變得非常敏感，多年後她分享當時估計是患產後抑鬱。
袁詠儀：我好在意張智霖講每一句話
袁詠儀多年前於節目《Home Sweet Home》表示，以前跟張智霖的相處方式一直是互相鬥嘴，即使張智霖言語上批評她也完全不介意，不過產後卻非常在意張智霖說的每句話：「佢講一句說話，我喊。我阿媽叫我唔好喊，大肚婆喊得多隻眼會盲，仲喊得勁，因為覺得個阿媽好關心自己，我見到我阿媽拎住兩袋餸行入嚟我都喊。」袁詠儀更有很多誇張的護子舉動，她表示：「我唔鍾意人哋嚟，唔好嚟，你嚟得，唔好嘈。人哋嚟到我就抱埋個仔入房，唔出嚟。好怪，個人好挑剔，我諗我都有成5、6個月係咁。」
袁詠儀被張智霖一舉動點醒
袁詠儀的情緒問題令身邊人壓力大增，與張智霖更險離婚，「嗰5、6個月我覺得我好大責任，我變成一個好挑剔、好神經質嘅人。」縱使袁詠儀明白是因荷爾蒙影響，但身邊人都難以理解：「我應該要攞出嚟講，但係我冇。我覺得自己冇事，我點會抑鬱，我點會有，但其實真係有。」袁詠儀形容護子程度如母狗，不讓人接近兒子：「連老公都冇面畀，好恐怖。兩個人出現咗好大分歧，你返嚟痛洗手唔好掂我個仔，我教緊我個仔你哋唔好出聲，嗰陣我個仔得6個月咋，我要我個仔『唔准喊』！你要喊，喊囉，我擺你喺床望住你喊。」更罕有地在友人及父母面前大聱吵架，問題非常大。
袁詠儀指雙方一直沒有直接解決問題，張智霖找了一位友人傾訴，友人感到他們現婚姻危機，找袁詠儀了解，袁詠儀被關心之下即時淚崩，覺得情緒得到解放：「對方問咗我一句說話，我醒咗。佢話『你哋咁難得先喺埋一齊，經歷咁多嘢，咁樣會唔會好可惜呢？咁你仲愛唔愛佢？』，我好認真咁諗，我仲好愛呢個人，所以我去檢討自己，我覺得佢都有去做呢樣嘢。」
【其他文章】：
盤點10位TVB轉行藝人！前小生移英生意失敗回流做保安 前港姐為生計賣魚蛋
盤點7個索爆豪門千金！賭王最靚愛女禾稈冚珍珠 霍英東孫女姊妹花氣質出眾
盤點10位女星猛料伴侶！學霸港姐有個太子爺老公 TVB花旦男友係投行副總裁
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
