周國賢家族7300萬售上環海味自用舖 生意交由胞弟打理：我唔係股東
發佈時間：13:10 2023-09-13
出道20年的歌手周國賢（Endy）在入行時因家族經營海味生意，於是曾被稱為「鮑魚王子」，不過多年來一直專注發展音樂事業，甚少插手家族生意，昨日有消息稱在上環經營海味生意的歌手周國賢家族，將自用多年的舖位以約7,300萬元沽出，持貨33年賺逾6200萬元離場。周國賢否認是分身家：「我冇參與超過10年，一直係細佬打理，其實只係打算換舖、轉型。」
周國賢疑婚內出軌再成話題 細18年女星坐正即宣示主權 出Po放閃秒刪被批機心重
【點擊睇周國賢家族生意】：
對於家族出售自用多年舖位，周國賢接受訪問時稱生意一直由弟弟打理，今次只是換舖，公司轉型網上生意，他亦否認此舉是分身家，家人一向很團結，本身亦未有參與超過10年：「我唔係股東，自己冇去返工，唔好意思就退出咗。」他又稱以前試過返屋企幫手，不過因經常在工作期間用電腦來寫歌，又試過被人呃錢，結果父母將他勸退，專心做音樂。
曾接手打理生意獲爸爸鼓勵復出
周國賢入行初期曾以組合形式發展，可惜因理想與現實不相符，一度返老父的海味店，學習接手家族生意，當時周國賢由低做起，頭半年專心學習如何辦貨、分辨海味，與鮑魚和魚翅為伴，學習了認貨後，就上去寫字樓，學習睇數和船運等工作，他曾在訪問上說：「由細到大數學都唔合格，日日好似行刑咁，朝早等食晏，下午等收工，左邊腦睇緊數，但右邊腦想緊寫歌，覺得喺度浪費緊時間，所以決定改變幫手嘅方法。」但他覺得最有趣是參與魚翅拍賣：「魚翅每月都會舉行一次拍賣，氣氛好似五十年代咁。」最後周國賢在爸爸的支持下，重返樂壇，原來周爸爸年輕時讀電子工程，後來因要接管家族的海味店而放棄，為了不讓兒子有遺憾，於是鼓勵兒子找到自己想行的路。
【其他閱讀】：
周國賢離婚丨 唱《天使》感觸爆喊 宣佈離婚年半跟前妻仍是好友
周國賢離婚丨22歲日本留學對老婆一見鍾情 曾跟女助手傳緋聞太太避走加拿大
周國賢離婚丨回顧兩公婆溫馨甜蜜時光 IG刪晒囡囡相微博仲有大量湊女照
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
