MIRROR變中學工作紙題目 Edan呂爵安似「通緝犯」 網民狂轟老師出題馬虎
發佈時間：19:32 2023-09-13
男團MIRROR近年爆紅，幾乎在不同年齡層、職業都有鏡粉。昨日（12日）有連登仔以「咩學校出啲咁嘅功課？」開post，並貼出一份疑似是中學有關「二叉式檢索表」的工作紙，不過上面並非似用動物或其他物件作檢索，而是MIRROR其中五位成員。
【相關閱讀】：Anson Lo盧瀚霆不參與姜濤Edan是非 MIRROR將合體赴澳洲拍節目
【點擊睇MIRROR工作紙】：
MIRROR功課的題目大概是叫學生，以生物學上用來鑑別動植物的常用工具dichotomous key（二叉式檢索表），將MIRROR的五位成員楊樂文（Lokman）、呂爵安（Edan）、李駿傑（Jeremy）、邱傲然（Tiger）及江𤒹生（Anson Kong）以照片中的服飾，製成二叉式檢索表。雖然老師想法好有創意，但網民卻不同意，反而鬧爆出題老師：「啲以為自己好跟得上潮流嘅教X，搞下呢啲無聊野以為自己好X有創意囉，實情kam到仆X，我寧願你正正經經教書好過。」
疑前教師狂踩亂嚟
更有不少網民質疑題目有問題，指二叉式檢索表不應以服飾製作二叉式檢索表：「dichotomous key用有冇戴帽去分，個老師IVE（香港專業教育學院）畢業？」、「如果聽日戴帽點算？」亦有網民批評題文的英文是中式文法外，還笑說題目的表達方式奇怪：「又話唔知邊個打邊個，但個個張相下面都有名。」更有疑似前教師留言：「仲要啲名一啲就bold（粗體），一啲就underline（底線），一啲就乜都冇，全部都亂嚟冇譜，以前教書如果出份咁樣嘅垃圾，panel head（科主任）搣爛掉垃圾桶喇。」
由於學校功課是以黑白印刷，MIRROR五子的照片亦顯得相當奇怪，還有人笑說：「Print黑白嗰度Edan Lui嗰張成個通輯犯咁樣。」、「點解科技進步咗咁多，啲學校試卷/功課打印仲係呢啲質素。」不過亦有疑似前教師指出黑白工作紙要執好grayscale（灰階影像），質疑MIRROR變樣是老師馬虎所致。
雖然網民普遍鬧爆MIRROR的功課，但亦有網民表示贊同：「我覺得睇對象，Band 1、2出呢啲就抵X，但係對住啲本身完全唔聽書嘅學生，諗個有趣啲嘅方法去講解，未必係壞事，起碼等佢哋知道個key嘅玩法。」
【其他文章】：
獨家丨MIRROR合體月尾飛紐西蘭拍綜藝節目 為明年演唱會造勢
Edan認有向姜濤講：唔好意思 棟篤笑惹鏡粉不滿 回應千字文用意
MIRROR成軍五周年將於迪士尼包場慶祝 Anson Lo姜濤Ian傳開演唱會引黃牛炒飛
范冰冰逃稅風波後事業插水 忽然成西班牙教材稱「中國最高薪名人」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
