東張西望丨荃灣含遮男自稱要睇精神科 習慣含遮證健康：細菌都俾我剋死
發佈時間：23:00 2023-09-15
TVB節目《東張西望》今晚（15日）繼續跟進荃灣「含遮怪男」的舉動，「含遮怪男」年約60歲，多次在公眾場所將雨傘放進口中吸啜，可謂傘不離口，又會將鞋放在頭頂，眼鏡框上攝現金，又當街扭動身體跳舞，不少荃灣街坊都被其怪異行為嚇親，不過「含遮怪男」強調身體強壯，不怕病毒入侵，更邀攝製隊到屋企傾偈。
【相關閱讀】：東張西望丨直擊荃灣含遮男怪異行為！投注站熱舞擺鞋上頭 馬路旁草叢小便
【點擊睇「含遮怪男」解釋行為】：
「含遮怪男」行徑怪異，經過多日全程直擊，主持陳瑞菱成功在街頭找「含遮怪男」訪問，不過對方解釋怪異行徑時，陳瑞菱聽到黑人問號，「含遮怪男」被問到經常將遮放入口中，他自圓其說：「擺落個口先好呀！證明我無事吖嘛，（點解用呢個方式去證明自己身體無事呢？）咁你見我係咁篤都無事，證明我無事，我戴唔戴口罩都無事架啦。（其實呢個係一個習慣定嗜好？）呢個係一個習慣，五年都有呢個習慣。」
街坊覺得想獲關注
對於自己的行為，「含遮怪男」說：「啲人唔抵得我吖嘛，唔抵得我咁都無事，屋企有好多把遮，（有幾多把？）七把。（會唔會返屋企消毒啲遮？）你係有事，你係咁篤都有事，洗乜消毒啫，消唔消毒都係咁啦！（地下好多細菌喎！）你話細菌呀，你睇我有無事？細菌都畀我剋死啦！（你唔驚污糟？）驚咩污糟，你係死就死，你係生就生。」有街坊覺得「含遮怪男」思覺失調，有人又估計是想獲取別人的關心，「含遮怪男」繼說：「係我作風，我嘅關注、我嘅體能，我可以控制好多病毒都入侵唔到我，洗乜勸我啫，勸唔勸我都會咁做。（有無人勸過，問你點解要咁做？）無呀！我行過啲人散開添呀，（係咪優勢？）有啲優勢，我獨一無二。」
「大家交個朋友」
住在公屋單人單位的「含遮怪男」，招呼攝製隊入屋：「大家交個朋友，大方啲入嚟坐，我直覺你都唔係衰人嚟嘅。」見到其家中有九把遮，地上鋪蓆而睡，傢俱欠奉，只用報紙遮窗，每月靠幾千元綜援生活。「含遮怪男」多年來一人生活，與家人關係疏離，而且性格孤僻，曾去睇精神科，被指性格問題比較憤世嫉俗又偏激。鄰居稱最初不敢與「含遮怪男」同𨋢，但有鄰居指未去到滋擾，又見過與保安好好傾，亦不見威脅到其他人，只是「含遮怪男」認為鄰居對自己成見深，居住12年以來遭受歧視。
【其他文章】：
東張西望丨前港姐廖倬竩首主持跌膊出鏡即被封新女神 陳瑞菱訪問慘被教訓：你係我養嘅雞？
東張西望丨荃灣惡婆婆穿梭三超市推車襲人 心理學家分析有抑鬱症狀藉攻擊獲快感
東張西望丨沙田某中學爆欺凌事件苦主求助無門 母訴諸法律告上高等法院
東張西望丨颱風蘇拉襲港街市現搶購潮！蔬菜貴逾一倍 街坊大呻菜檔坐地起價
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
