亞視一姐薛影儀黐黃榕玩激嬲公司？最索經理人林寶玉否認阻交友：開心就得

更新時間：17:30 2023-09-18
發佈時間：17:30 2023-09-18

現年39歲的「亞視一姐」薛影儀自成為AMM亞洲心動娛樂藝人，人氣在網上急升，IG突破9.3萬追蹤人數，早前推出個人單曲《一加一等於阿儀》及《爸爸爸爸我愛你》，又搞粉絲見面會，事業得意，靚女經理人林寶玉（Connie）可謂功不可沒。不過阿儀最近甚少出席活動，其社交網反而有大量與黃榕去玩樂的照片，又到台灣睇羅志祥演唱會，四圍去玩行程緊密。阿儀昨日（18日）忽然在社交網表示不明白為何公司不喜歡她與黃榕一齊，又指經理人林寶玉：「寶玉之前嬲我」。

【相關閱讀】：獨家丨「亞視一姐」薛影儀公告戀愛中絕密消息對象是公司靚仔高層

【點擊睇「亞視一姐」薛影儀】：

阿儀在社交網貼出一張報道截圖，當中提到阿儀屢勸不聽，令公司決定放棄她，打算另捧新人，阿儀留言：「其實我同朋友參加活動，而唔通知公司，我怕公司唔比（畀）我參加，我都唔明公司點解唔鍾意我同黃榕一齊？佢覺得黃榕有咩唔好呢？其實黃榕係心地善良既（嘅）人！我之前都已經解釋左（咗）我係冇誤交損友，佢哋係我好朋友嚟呀！佢哋冇帶壞我呀！我之前有活動約d朋友出去玩，認識到好多新朋友，寶玉之前嬲我，可能我講過d野（嘢），佢又唔鍾意。」黃榕在阿儀留言下回覆：「阿儀也是心地善良的人，希望你未來工作順利，大家努力工作，努力生活，我發誓從來都沒有安排商業活動和產品銷售工作賺取她金錢，以後放假才玩，希望你繼續在工作上發光發亮。」

網民幫口勸說

不少網民留言勸阿儀不要掛住玩，又叫她少跟住黃榕：「一直同你講唔好信王蓉（黃榕），佢有心害你，公司同你講你又唔信」、「呀儀你幾時先醒，人地（哋）係利用你名氣義務宣傳，搞到你自己堆job又no show，最後只會冇job做」、「寶玉令你進步，黃榕令你退步，作（你）之前出事咪又係亞視和寶玉幫你」等。有不少網民懷疑阿儀講此事是有人代筆，阿儀維護黃榕回覆網民：「佢哋係好人嚟呀！」、「係我寫呀！」

避談公司雪藏

經理人林寶玉回覆《星島頭條》有關嬲阿儀一事，林寶玉表示：「最近工作比較忙，所以稍為少聯絡，可能因為咁有啲誤會。有時經理人同藝人關係就好似兩母女咁，人與人之間相處總要互相理解同協調。」阿儀指公司覺得她誤交損友，林寶玉坦言：「公司方面都係按照程序規矩做事，而結交咩朋友呢個都係阿儀選擇。」對於阿儀與黃榕的友誼，林寶玉說：「佢哋開心就得啦！」至於阿儀掛住玩推工作，是否被公司雪藏，林寶玉則表示：「暫時都唔方便透露太多內部問題，多謝關心。」林寶玉希望阿儀身邊的朋友多提點阿儀，而她亦一樣：「在公事上，在私下生活，只要佢有需要，我能幫到，我都會盡力。」林寶玉對阿儀在網上的言論，直言有少許不開心：「唔開心點會有少少，不過每個人都有佢思想，所以繼續做好自己。」