52歲鄭艷麗飽受病痛煎熬再度入院月初自爆經歷「死去活來」感痛苦

更新時間：13:30 2023-09-21
發佈時間：13:30 2023-09-21

現年52歲的「最美艷星」鄭艷麗早年患上厭食症，體重一度暴跌至90多磅，去年9月最嚴重時更被送入醫院深切治療部（ICU），本來今年5月開心宣布重投社會工作，未料本月初卻苦呻身體轉差。相隔約兩星期，鄭艷麗昨晚（20日）再於社交網交代近況，惟身體狀況似乎未有改善。

【相關閱讀】：52歲鄭艷麗病情轉差晒瘀傷呻痛苦曾患厭食症暴瘦入ICU：唔知可以撐幾耐

【點擊睇鄭艷麗近況】：

鄭艷麗深夜發文嘆道︰「唉，我要幾時先可以出院啊？已經住咗好耐。」並附上一張醫院環境照，相中她正注入點滴並接上監測心跳的儀器，似乎是躺在走廊病床上輪候入病房。不少網民睇見都大感憂心，紛紛在Po下留言為她打氣：「姐…加油」、「祝早日康復出院」、「心情要保持正面，好快可以出院的」、「食多啲嘢啦」等。

鄭艷麗參加TVB《1988銀河接力大賽》取得女主角組冠軍後入行，之後加入電影圈拍下多套經典三級片，並曾到台灣發展，不過自2010年短暫復出後又再息影，早年曾被拍到在快餐店工作。一直受病痛纏身的她，曾公開手上插喉入ICU的照片，據稱是因身體電解質過低所致，由於近年她健康情況反覆，以致無法像正常人天天上班而頻頻轉工，直到今年3月經朋友介紹到一間私房菜工作，幸獲老闆娘及同事體諒，當時她說：「我諗我而家應該可以做到退休，唔使再成日轉來轉去啦！」

可惜，本月7日鄭艷麗再次透露身體轉差，大部份時間在屋企及醫院度過，更放負道：「好想過番啲正常嘅日子，啱啱嘅星期日又到過咗死去活來嘅一天」、「日日都要咁痛苦地度過，我唔知我可以撐得幾耐。」