鄭萃雯自己有對孖仔，當然好熟手啦！伍家謙4月時榮升爸爸，太太謝麗萍幫他誕下龍鳳胎思行和思齊，新手父母一湊又要湊兩個，雖然有陪月幫手一樣搞到手忙腳亂，當然間中都要搵人幫吓拖，繼上次搵來星級拳擊手曹星如出手後，今次就請得舊同事、前主播鄭萃雯嚟做「兼職」。家謙留言：「姐姐要返九龍喇！我哋全家上下都好唔捨得佢。佢話因為要照顧自己對BB所以唔續約喎！誠意推介呢個本地完約姐姐，豐富湊孖B經驗，流利廣東話，識煮中餐，做嘢爽手兼老實，從未試過用我地址借錢，放假可放Weekday，保證做完合約先走。認真番，多謝@karen_n_twins姐姐嚟探佢哋，仲幫手餵咗餐添。(下次如果可以餵多幾餐就更好嘞)#同我影都未試過兩個一齊望鏡頭呀#今日兩個月大喇」由於鄭萃雯本身有對孖仔，當然可以過兩招湊孖B技巧畀家謙啦！自從龍鳳胎出世後，家謙就冇覺好瞓。早前家謙搵來拳擊手曹星如幫手湊Ｂ。家謙攰到調亂咗拖鞋着都唔知。家謙跟太太初次做父母，湊Ｂ當然唔易。龍鳳胎已改中文名伍思行和伍思齊。
