呢張同楊謹華嘅合照，心如似25歲。1998年嘅電視劇《還珠格格》令趙薇、林心如及蘇有朋紅遍全亞洲，話咁快23年，林心如都45歲，原來心如仍好記掛令佢一炮而紅嘅紫薇角色，約老友楊謹華新年飯聚都忍唔住扮吓格格。好豐富嘅素火鍋。紫薇格格你好。放農曆年假最好約朋友飯聚，心如都話「過年就是要團聚啊」，所以就約咗楊謹華等老友打素菜邊爐，全個鍋都係蕃茄、金菇、豆腐及腐皮等，雖然冇肉但心如表示「沒涮肉的火鍋真好喝」，由於主人邀請咗4個唔識打麻將嘅閒人，所以餘興活動就變成睇戲，其間心如仲忍唔住戴上格格頭飾懷念吓當年，貼文一出召喚大量《還珠格格》Fans，唔少人同「紫薇」打招呼，仲留言「紫薇格格吉祥」。林心如同楊謹華係多年老友。1998年播出嘅《還珠格格》，你有冇睇過?
