客串港產科幻劇《異數者》　邵仲衡轉口音致敬首富

更新時間：21:17 2021-05-20
發佈時間：21:12 2021-05-20

邵仲衡（右）在劇中以彩蛋形式客串。

有「翻版袁偉豪」之稱的徐澤銘（Marcus）、李月兒、馮浩宸等一眾演員生力軍，以及好戲之人邵仲衡、鬼王潘紹聰主演的港產科幻劇《異數者》，正於「黃Viu煲劇平台」陸續上架。
集科幻、動作於一身的《異數者》講述未來世界訊息一體化，系統能夠根據大數據資料，計算人類的一生經歷。劇中飾演香港首富的邵仲衡，透露自己以「彩蛋」身份登場，「其實我只係拍咗一場戲，不過我個角色好重要，係用嚟承接落下一季。」
談到接拍契機，邵仲衡不諱言劇本創新是主要誘因，「今時今日我拍戲，目標係娛人娛己，觀眾睇得開心，自己都要過癮！我睇過幾場戲，覺得成件事好新穎，劇中Cyberpunk、未來感亦好重，唔係平時睇開嘅傳統嘢；另外故事、角色都好吸引我，以往我哋成日覺得權力使人腐化、有錢人可能會藉此操控他人，呢個角色剛好調轉，反而善用資源去支持一啲備受壓迫嘅少數人，最後仲成為佢哋其中一人，同鬼王潘紹聰抗衡。」他亦笑指自己為了演活首富一角而下苦功，「嗰場戲好特別，我特登轉口音，總之你哋一聽就明㗎喇，哈哈！」

徐澤銘被封為「翻版袁偉豪」。

徐澤銘打戲連場，令他好滿足。

另外，現年31歲、參加校花校草選舉而被冠以「翻版袁偉豪」的徐澤銘（Marcus），過去曾經擔任空少，更代表香港殺到內地高收視配對節目《非常完美》，因而贏得不少人氣！Marcus在《異數者》飾演沉默寡言男主角—殺手Sigma，提到打戲連場，他憶述：「最難忘係喺廢墟拍嘅一場戲，地面滿佈青苔，拍打戲時不停跣腳，所以拍完都有損傷，但係成件事拍得好好睇，大家都覺得好滿足。」