遭麵包夾面木間尺打手板鄭欣宜著中學校裙拍MV：唔好意思

更新時間：15:53 2021-08-11
發佈時間：12:10 2021-08-11

《罰你》是跳唱快歌。

鄭欣宜（Joyce）以3個不同造型拍攝新歌《罰你》MV，並邀請3位特別嘉賓梁祖堯、邵美君、湯駿業在MV中，以不同方式輪流虐待她。飾演惡魔廚師的梁祖堯，遇上前來學烹飪、卻不願遵從指示下廚的Joyce，激得七孔生煙，最後嬲到要用兩塊麵包夾住Joyce塊面，變成「面珠三文治」。梁祖堯覺得相當好玩：「一啲都唔辛苦，雖然剛才導演叫我發惡鬧人，因為唔知鬧乜，我唯有不斷講恭喜發財、恭喜發財，依家把聲都沙沙哋，但我覺得好好玩，剛才用麵包夾面，我知道係Joyce諗出嚟！」旁邊的Joyce馬上回應：「其實我請你嚟係想你調教鄭欣宜，同埋我諗冇任何人可以擔當『惡魔廚師』呢個角色！」

至於邵美君及湯駿業，則分別飾演Joyce的無理上司，以及會體訓學生的班主任。雖然邵美君第一次認識Joyce，但坦言捨不得破口大罵Joyce，說：「鬧你其實好難，唔捨得鬧你，你份人又認真、又nice，我覺得呢場戲真係好難演。」

邵美君說捨不得破口大罵Joyce。

Joyce出動讀中學時的校服裙。

至於飾演班主任的湯駿業，算是3人之中最難演，當他見到無心向學的Joyce，在選擇題試卷上畫公仔，嬲到攞起三尺長的木間尺，痛打Joyce手板。當他「手起尺落」時聽到「啪」一聲，嚇得馬上縮手，反而要Joyce給他膽量，示意他繼續打，湯駿業才狠下心，連續打手板三四次，之後Joyce不甘受罰還擊，試圖搶去間尺，混亂間導演終於嗌「good take」，湯駿業才放下心頭大石。

Joyce說：「要同大家講聲唔好意思，三十幾歲人仲扮學生，同埋呢條裙，真係我讀中學時嘅校服裙，我着咗上身先發現條裙咁鬼短，我依家已經拉低咗，細個真係好跩，走堂去飲珍珠奶茶，有咩咁好飲呢？為咗3.5加紙嘅一杯珍珠奶茶走堂，不過小朋友記得唔好學呀，呢個係反面教材嚟㗎！」