姜濤KOL「契姐」雪姨比較盆菜片被批市集爆退租潮

更新時間：18:00 2022-01-23
發佈時間：18:00 2022-01-23

姜濤之前稱早於初出道就認識富貴KOL雪姨（容可兒），二人感情好到姊弟咁，只差未上契咋！「契姐」雪姨近日自製公關災難唔知好細佬有冇關心吓對方呢？星期四晚（20日）出咗條YouTube片，將酒店推出的盆菜與一間茶餐廳推出的盆菜作比較，片中勁踩茶餐廳盆菜的食物質素就惹來網民狠批，指雪姨為幫酒店盆菜賣廣告，踩到平民版盆菜一文不值。最終雪姨都刪片謝罪，並於IG出Po向該茶餐廳道歉：「我們已經即時果斷地將影片下架，並作出內部檢討，今次的事件正正為我及團隊上了一課。」

姜濤同雪姨情同姊弟。

雪姨用酒店同茶餐廳作比較，狂踩茶餐廳盆菜難食。

雪姨出Po道歉。

不過做過嘅嘢又豈會因為刪片，就令網民即時忘記呢！自製公關災難更波及自己啲生意。由雪姨有份主辦嘅新年市集傳出受事件影響，而引發退租潮。市集其實於星期五（21日）先開始賣嘢，而有份喺市集賣嘢嘅UFO達人卓飛，今日在facebook爆粗稱已經決定不再喺該市集擺檔，又以「臭X」及「八婆」形容雪姨，話要即刻返市集執嘢添呀！

立即下載 | 全新《星島頭條》APP :https://bit.ly/3yLrgYZ