Tyson Yoshi女友被網民批醜樣曾高EQ回應似馬蹄露

更新時間：22:15 2022-03-26
發佈時間：22:15 2022-03-26

Tyson Yoshi（程浚彥）與同居女友Christy拍拖4年，不時在IG放閃，2年前他更為女友打造拍拖紀念作《Christy》，Tyson Yoshi亦視對方為結婚對象。Tyson Yoshi曾直認與Christy拍拖前曾有過不少性伴侶，因一直未遇上合適的人，認識Christy後令他定性。近年人氣急升，Tyson Yoshi曝光率拍得住鏡仔。而Christy亦因為男友大方認愛，使其曝光率急升，有不少幕前工作機會，多咗見人就易引起網民關注。近日有網民於「連登討論區」批評Christy的長相，成為討論區熱門話題。

Tyson Yoshi同女友拍拖4年，不時在網上放閃。

Tyson Yoshi多謝女友令他定性。

Christy有時會拍住男友情侶檔工作，有時就於IG分享吓產品，亦有不少時尚品牌賞識Christy找她合作。網民於討論區批評Christy唔靚，都有咁多Job，聽落似係有啲葡萄噃！不過竟然引來好多網民和應，表示同樣覺得Christy醜樣。有網民睇唔過眼，質疑批評者冇資格話人，「關你咩事呢」、「現實中人地根本唔會望你一眼」。亦有網民力撐Christy有內在美，認為她可以令Tyson Yoshi生性應該是個好女仔。

其實Christy不是首次被網民討論其長相，有網民翻出她早前被網民稱似馬蹄露，或者批評她醜樣，她都高EQ留言：「多謝。」嗱！大家都知馬蹄露唔係賣樣，不過也是很有實力的演員，睇嚟Christy都好多謝大家留意到她。不過唔知男友Tyson Yoshi見到女友被批評會否護愛寫首歌反擊呢？