頭條獨家丨劉雅麗又被家屬力斥大話連篇 發表感恩論指有夾份辦父喪事
更新時間：07:00 2022-04-20
發佈時間：07:00 2022-04-20
發佈時間：07:00 2022-04-20
字體大小
劉雅麗爸爸劉山本上月17日離世，4月3日劉雅麗和媽媽包曉華於靈堂上表示，爸爸由病至去世辦理後事都得到爸爸契仔劉德華幫助，惹來家屬極度不滿及引發是非。本叔的大房遺孀女婿方錦培日前向《頭條娛樂》爆料直指兩母女私吞大部份劉山本帛金，又指劉雅麗並非劉山本親女，及後才改姓劉。至於劉雅麗回應本報時強調唔想交待家事，但堅持殮葬費係夾份畀嘅，仲嬲爆駁斥：「佢哋梗係講錢啦！」採訪:娛樂組
方錦培(右1)同包曉華(背)在靈堂上都有交戲。
因為劉雅麗喺爸爸靈堂上講多咗說話，惹嚟一場是非。
事件餘波未了，堅持唔回應家事嘅劉雅麗於FB發表「感恩論」，她寫道：「希望可以做到:感恩所有對你好的人，忘記傷害過你的人，慶幸對你好的人是多過傷害你的人。盡做！」自踢爆劉雅麗母女私吞大部份帛金後，方錦培再聯絡本報，他用短訊表示：「本人方錦培，在此澄清有關劉山本身後事，本人沒有獲取過任何一分錢的遺產，所以不涉及爭產的情況。本人出錢出力辦理本叔身後事，對得起天地良心，相信世間總有真相存在。還有再次澄清，之前劉雅麗對傳媒講，辦喪事她有夾份，其實一分錢都未有出過。」
劉雅麗喺FB發表「感恩論」。
劉雅麗承認華仔幫過兩母女好多。
公道自在人心
方錦培不滿劉雅麗母女大話連篇：「劉雅麗同傳媒講『爸爸走前半年食唔到嘢瘦咗好多』，其實本叔不知幾好胃口，劉雅麗又話『當晚爸爸喺家中突然冇晒氣息』，佢哋住新界北大埔，本哥點會送咗去港島南嘅瑪麗醫院？其實送劉山本終嘅只有我同太太及4太Eva，兩母女只係聽4太轉述本哥病情，近幾年佢哋只去過醫院探病三次。」方錦培強調公道自在人心，所講的全部有證有據冇得抵賴。
方錦培手握本叔醫藥費及殮葬費單據。
捧劉山本遺照嘅責任落喺大房大女身上，但本叔跟大太太並冇註冊。
方錦培指本叔設靈當日，包曉華個花圈因為做漏咗要追加。
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
最Hit
UNICEF慈善跑明年1月開跑 號召跑手改變兒童命運
2024-11-21 10:00
60歲男患大腸癌4期擴散 這食物常吃半碗 2年來不復發！醫生證功效強
2024-11-20 17:12
九巴72X延長路綫2.5公里 總站由大埔中心遷往新屋邨富蝶邨 街坊因3原因「彈多過讚」：全大埔服侍富蝶邨？
2024-11-21 17:08
